naghisgot silag
baog
unya ang bayot nga
talinis og suwang
nagpadungog-dungog
na kining pulunga
kuno sakit

ang bayot mibuhakhak
og katawa
miduyog ko

mikuyog ko paingon
sa laing buhakhak
hangtod nga pag-abot
sa unahan
tungod kay mipiyong
man siya sa iyang
mata nga lagom

kalit nako siyang
gisikaran
akong gihulog sa
sakyanan

natikay-ang siya
sa usa ka kamatooran
nga abi niyag
dili iyaha