2015/07/20

kagubot

di na maambat
kining unos
nga kapila na
nagbalikbalik sa
atong tugkaran
nga kapila na
nakapagubot sa
atong mga buhok
nga unta
nagmalinawon man
sa atong
agtang

gawas sa balay
wala na kita manudlay
gani
giganahan na man
kitang naglantaw
sa kaanindot sa kagubot
sa mga buhok
nga kalkag

nganong karon
man lang nato nakita
ang kaanindot sa
mga gubot
sa kalami usab sa
mga lukot?

anaa ang sudlay
nagmingaw sa ibabaw
sa tokador
nga sa pipila ka
adlaw
wala na
gigamit

Panginhas dire