2016/05/06

pagtuis sa kasamtangan

gipaabot ni juan ang
hinog nga bayabas nga mahulog sa
iyang baba

kon mahitabo kini
mosulat siya

ikaw, nagpaabot ba usab sa kibol
ni Bantay
aron ka magsugod og ukay
sa imong mga garay?

dunay panahon nga miabot
nga ikaw walay laing buhaton
kay dili ka ganahang mobuhat sa
angayan untang buhaton

kadtong mga papel nga gadapun-og
sa imong lamesa
nga unta basahon karong buntaga
kay dunay kinahanglan na nga
sulaton sa hapon

lood na kaayong lantawon unya
bisan sa gamayng pagpasiplat
kasokaon ka na dayon


gitalikdan mo
milantaw ka sa bentana
didto sa mga kakahoyan
sa kilid 
namuwak ang mga puting
pangadlaw

dili ka makagawas sa balay
kay kusog ang ulan
unya wala na diha kanimo
ang pagbati sa bata nga gustong
maligo kuyog ang uban
silong sa ulan


mao kni ang higayon nga
ikaw nagsulat sa bisan unsang
bahina sa binsan unsang matanga

gibaid mo ang sundang
aron takbason ang mga oras
sa imong kinabuhi

wala may namatay
apan sa hamubong panahon
nga natuis ang kasamtangan
ikaw nalipay....

Panginhas dire