2016/05/01

Unya ang kalipay sa kanunay magauban kanako.

giusikan man
nimo ang atong mga katuigan

gusto man gud nimo nga ikaw
lang ang sakto

kon motingog ko
mosyagit ka

kon mosulay kog hikap
nimo aron unta mabati nimo nga
naa pay kainit ang 
akong mga palad
nga unta mabati pa gihapon nimo
nga ako
buhi dili patay

apan usa ka ka dakong bato sa 
bungtod

para nako wala nay pulos ang maong
panghitabo

lapad, dako, ang kalibotan
daghang kapilian
dili guot ang dalan paingon
sa akong
kagawasan

ugma ikaw na ang mag-init sa
tubig
motimpla sa imong kape

kon napaslot ang imong dila
dili na nako na sala

ayaw na pangutan-a ang pultahan
sa akong lawak


wala na ko diha. Unya ang kalipay
sa kanunay magauban kanako.

Panginhas dire