2016/05/01

alibangbang nga puti

kon bug-at na gayod ang imong
mga pamati
sama sa kabug-aton sa ilang
mga pagpanaway
diha nimo

gawas usa
ginhawa og lalom
nga mora bag gisuyop nimo
ang tibuok suba didto
sa Milad

bugnaw na ang sud sa
imong dughan
napuno na usab ug hangin
ang imong baga

napuno ka apan sa dili
madugay
mogaan man ang imong
pamati

ipiyong mo ang imong
mga mata
diha sa kilid sa bongbong
sa balay
nga kanunay mong
tagoanan
kon ikaw mabunalan sa
imong amahan


daghang buwak dinhin
lugara
daghang mga alibangbang

moabot kadtong puti, dili
kaayo dato
nga naglutawlutaw sa imong
kalimutaw

gaan, hilom, walay
katugpahan

Panginhas dire