2016/05/12

sa usa ka bol nga tuba lamang....

limtanon
ra kaayo 
ta

sa usa ka
bol lang nga tuba

nalimtan na
dayon ang
gibuhat sa atong
mga kontra

kadtong iyang
gipatay nga
atong ig-agaw

kadtong imong
anak nga
iyang gipapriso

kadtong imong
uyoan nga human
gikulata, gipusil,
dayon gilabay
didto sa tulay


kadtong gitulis
niya ang imong
iyaan
nga nabuang sa
tumang
kalisang


limtanon ra kaayo
tang tanan

sa usa ka bol nga
tuba
gilamano nato
ang amahan, ang
anak, ang
inahan

ato pang gikantahan
dayon 
sa miaging eleksyon
atong gibutaran


nangatawa ang atong
kontra
sa atong pagkalimtanon

usa ka bol lang nga
tuba
pagkagamay sa
atong utok
pagkamabaw sa
atong kalipay
pagkahiwi sa
atong panglantaw....

Panginhas dire