2016/05/04

kasal didto sa AMONRA

makatakod
ang imong panghimota
kaw
saB, wa kapugong
dayog panghuyab.

kadtong kaslonon
naburos sa
pasalig
wa na gani kaantos
nga motindog
sa tumang kalup-og

kadtong lalaki nga
sapyot ug lubot
balikbalik ang giingon
nga bisag unsay
dangatan
anaa ra siya sa
tupad (abi gani nakog
usbon nga
anaa siya sa likod)

pino ra kaayo ang
mangga nga
dili pa kaayo hinog

bahobaho na usab
ang bakang
gihimong kilawin

ang tatay nga 
mestisohon
bisag unsaon
tagabukid lang
gayod gihapon

(di mo na makita
ang iyang mga mga
luy-a didtos sulod
sa iyang sinaw nga
sapatos)

ang tua sa pikas
lamesa
miduol nimo
namasin basin
makailad pod
diay og otro

ang imong tupad
mibiya na kuno siya
sa iyang pagka
sabadista kay

wala niya gidamgo
sa iyang kinabuhi
nga  dili na siya
magpakasala 
pag-usab...

Panginhas dire