dila na lang ang walay labod

kahinumdom ka ba
kon unsay labaw nga
bililhon sa atong inahan?

ang iyang mga african daisies
nga akong gihurot ug ibot
dayon akong gipaligsan
sa daghang trak nga nangagi
didto sa lapok nga dalan

kahinumdom ka ba sa 
akong gidangatan nga matod
pa sa atong inahan
dila na lang ang walay
labod sa batang kanahan

unsaon ba paghikalimot
ang natun-an nga sa dugo
gipatuloan?