balak sa covid 19

kining piniriso sa
balay sugo sa kapalaran
ania nagduyanduyan sa
kilid sa balay
sa duyan nga uway

naghinuklog

sa unahan, dili kaayo
layo kanako
anaa ang punoan sa mangga
nga puno sa bunga

namuwak na usab
dungan
ang ubang nangapulak
kuyog sa pagpamuswak

anaa ang mga langgam
lamog sa mga tamsi
naglupadlupad
ang uban anaa man gani
usab diha
nagsalag

miawit ang tamsi
nindot pamation
ning talagsaong higayon

malipayon silang
naglupadlupad
morag mga nag-unot-unot
nga mga uyab

makasina usahay
ang ilang ginagmayng kalipay
samtang ako
nga nagduyanduyan sa duyan
nga uway
ania piniriso sa akong
balay
dili makagawas kay basin
matakdan dayog
kamatay....