lokal Nietzsche

sa kainit sa kaudtohon
miabot si nitze
nanglitse, nagkuhag posporo
gidabdaban ang 
gaundok nga lukay sa kilid
sa plaza rizal
nalisang ang mga tua didto
sa mikaylap nga kalayo
nangutana, ngano ba? nganong
sa kainit, nagsunog nagmugna
pa gyod ug kalayo,
kining buang nga si nitze
nga misyagit ug miingon,
litse, litse mong mga bogoa
mo, Ngitngit kaayo ang
atong plaza rizal!
busa nagdaob kog mga lukay
ang kahayag akong gihikay
sa ngitngit ta nga 
balangay!