Mibalik ang mga tingog sa pagbadlong:
"Ayaw pagpaulan, basin unya
hilantan kamo!"
Sa laing bahin, sa dakong nataran
nanagan ang mga batang nanggihubo,
nagdula'g dakpanay sa ilalom
sa nahugno nga dag-om:
"Dakpa ko, dakpa ko,
dili ka kaapas nako!"
Sa kilid sa bintana, igo rang nanambo
ang babayeng tigulang nga nanampiling
sukad sa dugay nang pagpaabot
sa wala motunga: "Kanus-a pa kaha
motuwak kining langita?"
No comments :
Post a Comment
Lami ba?