gisukod ang kalipay sa duha ka
mga utlanan: sa kamot ug sa dila.
samtang milikos ang dila nga morag
bitin, dayon misulod sa bangag nga
morag kasag, nga sa paglantaw lamang
diha sa ganghaan, mabati mo ang mga
pangutana, sa pulo ka mga tudlo ug
sa iyang dughan nga morag palad,
ang mga kamot morag mga batang
nangita sa pulak nga mangga didto
sa kasagbotan, nagbasa sa lapok
misinaw sa nahagdaw nga kahayag
sa bugnaw nga kaadlawon didto atbang
sa balay sa nag-inosarang si Neneng.
No comments :
Post a Comment
Lami ba?