KAHAPONON
ang kahaponon mohangop,
nagkaawop nga kahayag,
manuhutsuhot,
mga gapnod ug kasikas sa baybayon,
nagpungasi sugat sa pag-abot sa kilomkilom,
sa layong unahan, may magpaantaw,
magpaabot, magngisi, ug
mapahiyomon,
human sa kahaponon, mga banig bukharon,
musunod ang kagabhion aron tukbilon,
sutaon ang nangalimyon, hiusahon,
ang halok sa mabugnawong kagabhion..
No comments :
Post a Comment
Lami ba?