kon mopakita
ka kanako
ayaw palandonga
nga ako anaa
bulan ko
adlaw ka
langit ka
lapok ko
mausob lang
kana
kon
mahanaw ka.
12/25/2010
nasabtan ko na
kon ngano nga og mokatawa ko
bisag pinugngan
mobalos man sab og katawa
ang tibuok kalibotan
gisulayan ko una sa usa ka
pahiyom
og ang mata sa langit
mikihat
gikihatan ko usab ang bitoon
og ang bulan
mipaduol kanako og ang
bintana miabre
og nawa ang akong katulugon
sa dihang
gihagkan ako sa iyang
hinulamang kahayag
kon ngano nga og mokatawa ko
bisag pinugngan
mobalos man sab og katawa
ang tibuok kalibotan
gisulayan ko una sa usa ka
pahiyom
og ang mata sa langit
mikihat
gikihatan ko usab ang bitoon
og ang bulan
mipaduol kanako og ang
bintana miabre
og nawa ang akong katulugon
sa dihang
gihagkan ako sa iyang
hinulamang kahayag
ning pasko
giabrihan ko ang akong dughan
gihurot ko
paghatag ang akong kasingkasing
wala nay nahibilin
gawas lamang sa
kahaw-ang nga
dunay gamayng
buslot sa
kahayag
giabrihan ko ang akong dughan
gihurot ko
paghatag ang akong kasingkasing
wala nay nahibilin
gawas lamang sa
kahaw-ang nga
dunay gamayng
buslot sa
kahayag
alang kang Fr. C.
Ang Pasko diay kuno
usa ka sakripisyo,
kay dili ba dakong
sakripisyo sa Ginoo nga
siya nagpakatawo?
sumpayan pa gayod nga
kini misteryo kon ngano nga
ang Diyos nga Hingpit
puston man og ginit
apan daghan man sab ang
gaingon nga ang Pasko mao
ang Gugma
tungod kay ang katarungan
sa Ginoo nga siya
Nagpakatawo mao man
nga nahigugma siya
sa tawo
"Nakig-bonding man gani
sa makasasala, dili ba?" sagbat
ni Brigido,
"Immersion ang tawag ana" komentaryo
ni Doro
Kinsa man goy nasayod?
Misteryo man gani
Mao nga way makatubag
Wa pay nakatugkad.
"Maayong Pasko Sir" maoy ingon
sa batang bulingon sa daplin
sa pultahan sa simbahan
nga mikangkang ang kamot
kay nangayog sinsilyo.
Karong gabhiona
(alas diyes )
pagkabugnaw gyod sa hangin
Wa ko'y sweater.
usa ka sakripisyo,
kay dili ba dakong
sakripisyo sa Ginoo nga
siya nagpakatawo?
sumpayan pa gayod nga
kini misteryo kon ngano nga
ang Diyos nga Hingpit
puston man og ginit
apan daghan man sab ang
gaingon nga ang Pasko mao
ang Gugma
tungod kay ang katarungan
sa Ginoo nga siya
Nagpakatawo mao man
nga nahigugma siya
sa tawo
"Nakig-bonding man gani
sa makasasala, dili ba?" sagbat
ni Brigido,
"Immersion ang tawag ana" komentaryo
ni Doro
Kinsa man goy nasayod?
Misteryo man gani
Mao nga way makatubag
Wa pay nakatugkad.
"Maayong Pasko Sir" maoy ingon
sa batang bulingon sa daplin
sa pultahan sa simbahan
nga mikangkang ang kamot
kay nangayog sinsilyo.
Karong gabhiona
(alas diyes )
pagkabugnaw gyod sa hangin
Wa ko'y sweater.
12/24/2010
Silaw sa Adlaw
Silaw sa Adlaw
By Genamos_US of Washington DC,USA
Akong nabatyagan ang hangin
Nihapa sa tin-aw nga tubig
Ug ang silaw sa adlaw
Nisiaw sa pagsayaw
Sa nag-umbaw nga tulay
Ug didto nako naaninag
Ang silaw sa imong mga mata
Daw usa ka handurawan
Nga adunay nagpahipi
Nga bag-ong tilimad-on
Kung ang batonaw mahilis
Mahimo kining usa ka tubig
Ug ang kainit sa huwaw moabot
Aron kini atong gugma
Pahinogon sa katam-is
Pagka-anindot sud-ongon
Ang mga bulak sa tanaman
Nga nagmaya sa tumang kalipay
Kay ang hangin sa imong mga halok
Nidagpis sa akong ngabil
Kausa, Kaduha ug walay puas ang iyang utlanan
Kay dili lang ikaw ang nagdala
Ug silaw sa tim-os kung Gugma
Ug ikaw sab ang nag-inusarang haring adlaw
Nga nagdala sa kainit ning akong dughan
Ug sa akong nagbinugtong nga kinabuhi
By Genamos_US of Washington DC,USA
Akong nabatyagan ang hangin
Nihapa sa tin-aw nga tubig
Ug ang silaw sa adlaw
Nisiaw sa pagsayaw
Sa nag-umbaw nga tulay
Ug didto nako naaninag
Ang silaw sa imong mga mata
Daw usa ka handurawan
Nga adunay nagpahipi
Nga bag-ong tilimad-on
Kung ang batonaw mahilis
Mahimo kining usa ka tubig
Ug ang kainit sa huwaw moabot
Aron kini atong gugma
Pahinogon sa katam-is
Pagka-anindot sud-ongon
Ang mga bulak sa tanaman
Nga nagmaya sa tumang kalipay
Kay ang hangin sa imong mga halok
Nidagpis sa akong ngabil
Kausa, Kaduha ug walay puas ang iyang utlanan
Kay dili lang ikaw ang nagdala
Ug silaw sa tim-os kung Gugma
Ug ikaw sab ang nag-inusarang haring adlaw
Nga nagdala sa kainit ning akong dughan
Ug sa akong nagbinugtong nga kinabuhi
otro sab ka....
sa dihang miabot si
El Dorado
miyukbo sa dakong bato
sa San Pedro
nga gasakay sa kabayo
ni Santiago
kalit nga nawala ang
maong tawo
nga tabian kaayo didto
sa Tampi
sa Kalburo
hadlok man sab diay
og tinood nga tawo
apan sa Facebook
haskang sosyala kaayo
otro sab ka
maayo ka ra sa wall
og sa xoxo
plastic anang xot
unya kon madungog na
gani ang dingdong sa
door bell
dayon og dagan
karatel
sulod sa dakong kaldero
nga gitakloban og
nigo.
El Dorado
miyukbo sa dakong bato
sa San Pedro
nga gasakay sa kabayo
ni Santiago
kalit nga nawala ang
maong tawo
nga tabian kaayo didto
sa Tampi
sa Kalburo
hadlok man sab diay
og tinood nga tawo
apan sa Facebook
haskang sosyala kaayo
otro sab ka
maayo ka ra sa wall
og sa xoxo
plastic anang xot
unya kon madungog na
gani ang dingdong sa
door bell
dayon og dagan
karatel
sulod sa dakong kaldero
nga gitakloban og
nigo.
alang kang R.
dugay nako nakita
nga pulong ka lang diay
og hapit na gani mogawas ang kamot
gikan sa bulsa sa
kalipay
motago ka man
nga morag iwon
moatras
nga morag tanga nga
naputlan sa iyang paak
nahadlok sa unod sa pulong
nga unta gusto na nga
mosulod sa imong baba
(aron imong kalawaton)
nga naghandom nga unta
dili na
mabaho diha sa imong
ginhawaan.
nga pulong ka lang diay
og hapit na gani mogawas ang kamot
gikan sa bulsa sa
kalipay
motago ka man
nga morag iwon
moatras
nga morag tanga nga
naputlan sa iyang paak
nahadlok sa unod sa pulong
nga unta gusto na nga
mosulod sa imong baba
(aron imong kalawaton)
nga naghandom nga unta
dili na
mabaho diha sa imong
ginhawaan.
"so this is christmas?" ngutana lang
mao diay ni ang pasko
kaon og lechon, daghang bingka og budbod,
inom og red horse
og red wine, simba sa gabii,
reunion sa mga klase,
ligo sa beach, suroy sa Tangub,
hangad sa christmas tree
nga haskang dakoa, og
dawat og mga gasa
og hatag sab sa mga kinugos
og uban pa....
sa ka busy,
na, nalimtan ang tinood nga
ga birthday.
kaon og lechon, daghang bingka og budbod,
inom og red horse
og red wine, simba sa gabii,
reunion sa mga klase,
ligo sa beach, suroy sa Tangub,
hangad sa christmas tree
nga haskang dakoa, og
dawat og mga gasa
og hatag sab sa mga kinugos
og uban pa....
sa ka busy,
na, nalimtan ang tinood nga
ga birthday.
12/23/2010
Ang Saluyot (Jute leaves)
Ang Saluyot (Jute leaves)
By Genamos_US of Washington DC, USA
Tanom nga napuno sa mga bitamina, mineralis og uban pa
Dahon nga lunhaw aron sa pagpalab-as sa atong panan-aw
Nga miturok palibot sa gipuy-an kung lagkaw
Didto sa bukid nga akong gipuy-an
Gikagubtan sa mga katawhan
Pagkalami gayud kung isagol kini sa sud-an
Aron malipay ang sinugba kung tinap-anan
Sigun sa akong mga katigulangan
Dugay nga kining gikahinaman
Kay dali ra kining makit-an og mapuslan
Daghan nagpamatu-od nga naayo sa ilang kalisod
Sa sakit sa panglawas gipanghapyod
Dili sila makatuo kung unsay nakaayo
Apan sa tinood diay kadtong saluyot nga sila gihaylo
Walay tiaw kining mga kamatuoran
Nga gipangsilhig ang mga sakit sa balatian
Sakit sa kasingkasing, cancer, diabetes o hypertension
Ug uban pang mga medical nga kondisyon
Busa ayaw kalimot sa pag andam kanunay og saluyot
Nga kanunay isagul sa regular nilang mga diyeta
Sama sa tinuwa nga pasayan ug gukita
Nga binakbakan sa kamatis, okra og luy-a
Pagkakalas ug kan-on bahaw
Kay ang dahon sa saluyot gisawsaw
Sa limonsito nga gipahungaw
Apilan sa paghigup sa tam-is nga sabaw
By Genamos_US of Washington DC, USA
Tanom nga napuno sa mga bitamina, mineralis og uban pa
Dahon nga lunhaw aron sa pagpalab-as sa atong panan-aw
Nga miturok palibot sa gipuy-an kung lagkaw
Didto sa bukid nga akong gipuy-an
Gikagubtan sa mga katawhan
Pagkalami gayud kung isagol kini sa sud-an
Aron malipay ang sinugba kung tinap-anan
Sigun sa akong mga katigulangan
Dugay nga kining gikahinaman
Kay dali ra kining makit-an og mapuslan
Daghan nagpamatu-od nga naayo sa ilang kalisod
Sa sakit sa panglawas gipanghapyod
Dili sila makatuo kung unsay nakaayo
Apan sa tinood diay kadtong saluyot nga sila gihaylo
Walay tiaw kining mga kamatuoran
Nga gipangsilhig ang mga sakit sa balatian
Sakit sa kasingkasing, cancer, diabetes o hypertension
Ug uban pang mga medical nga kondisyon
Busa ayaw kalimot sa pag andam kanunay og saluyot
Nga kanunay isagul sa regular nilang mga diyeta
Sama sa tinuwa nga pasayan ug gukita
Nga binakbakan sa kamatis, okra og luy-a
Pagkakalas ug kan-on bahaw
Kay ang dahon sa saluyot gisawsaw
Sa limonsito nga gipahungaw
Apilan sa paghigup sa tam-is nga sabaw
alim
hanggapa ang huyuhoy
alibyo sa sakit-katol
nga kahigwaos
apan og mura nag
lamayo nga di na
madala sa tubig-dagat
ug ahos
dawaton ta ang kapait
sa ilang mga tutok
usahay mas masangputon
ang kahapdos sa kamatayon.
pagtamod ug pagpahiubos sa kalag-
ang unang ang-ang
sa usab nga paghimugso
alibyo sa sakit-katol
nga kahigwaos
apan og mura nag
lamayo nga di na
madala sa tubig-dagat
ug ahos
dawaton ta ang kapait
sa ilang mga tutok
usahay mas masangputon
ang kahapdos sa kamatayon.
pagtamod ug pagpahiubos sa kalag-
ang unang ang-ang
sa usab nga paghimugso
belen
pagkalahi na ang
makita nato karon
balikan nato ang panahon
nga mitago ang magtiayon
kay gihadlok nga patyon
kaanakon na ang babaye
apan wa pay lugar nga ilang kapahulayan
haskang pobreha
walay kwarta
gikamenosan og gitagaan og
tangkal aron katulgan
haskang bahoa sa mga
tae sa baka og karnero
unya nanganak ang babaye
unya gilangaw ang
puya nga wa pa matrapohi
og tubig ang panit
nga naughan sa dugo
og anaa pa ang inunlan
sa iyang ulohan
unya ang amahan
nabalaka kon unsay ipainom
sa inahan nga bag-ong nanganak
wa baya'y manok tinola didto
di pod ka order og congee
sa chow king
haskang hagoa jud
wa say fresh milk
unya way hot water
walay green tea painit sa
bugnaw nga dughan
unya ang tag-iya sa lugar
walay pakialam
kon naunsa na silang duha
unya miuha ang bata
unya daghang dapaw
ang lugar kay walay
limpyo
naay mga ok-ok og kuting
kay usahay moistambay
ang mga iro didto
mao kana ang realidad
sa pagpanganak ni Maria
kang Hesus
aron manindot
gibutangan ni Lord ug cometa
ang tumoy sa pasungan
og dayon dunay mga harihari
nga actually di baya pod hari
og mga gingharian nga
mihalad kaniya
makita nato karon
balikan nato ang panahon
nga mitago ang magtiayon
kay gihadlok nga patyon
kaanakon na ang babaye
apan wa pay lugar nga ilang kapahulayan
haskang pobreha
walay kwarta
gikamenosan og gitagaan og
tangkal aron katulgan
haskang bahoa sa mga
tae sa baka og karnero
unya nanganak ang babaye
unya gilangaw ang
puya nga wa pa matrapohi
og tubig ang panit
nga naughan sa dugo
og anaa pa ang inunlan
sa iyang ulohan
unya ang amahan
nabalaka kon unsay ipainom
sa inahan nga bag-ong nanganak
wa baya'y manok tinola didto
di pod ka order og congee
sa chow king
haskang hagoa jud
wa say fresh milk
unya way hot water
walay green tea painit sa
bugnaw nga dughan
unya ang tag-iya sa lugar
walay pakialam
kon naunsa na silang duha
unya miuha ang bata
unya daghang dapaw
ang lugar kay walay
limpyo
naay mga ok-ok og kuting
kay usahay moistambay
ang mga iro didto
mao kana ang realidad
sa pagpanganak ni Maria
kang Hesus
aron manindot
gibutangan ni Lord ug cometa
ang tumoy sa pasungan
og dayon dunay mga harihari
nga actually di baya pod hari
og mga gingharian nga
mihalad kaniya
dali sa baybayon
hanggab sa lab-as
nga hangin
dili kini hangin nga
gisala
wala'y nigo dinhi
nga moalig-ig og
pilian ang mas puti
nga bugas kadtong wala
nay tipasi og
mga bato nga makabuak
sa ngipon o kaha
mga bildo nga peligro
hanggab sa hangin dinhi
(di ba usahay bahong
tae sa baboy?)
pasensya na
(dunay mga bata dinhi
nga walay ilo
apan maayong mopahiyom
og matintal ka
og halok sa ilang mga
aping)
hanggaba ang
hangin nga asgad
(ingon ang uban aslom
pa kaysa sa singot nga
nauga
sa usa ka mangingisda
nga walay kuha)
dugay na ko diri
apan wa ko maghimo og
mga sumdanan
kay kining lugara
alang sa mga samdan
apan ayaw ka
dunay nanghambog diri
nga siya
malipayon og ang iyang
dughan
wala nay luna
nga sarang kabutangan
sa iyang kalipay
kagahapon dagko ang
balod dinhi
og nalukat ang bag-ong
gitanum nga
katumsan
karong buntaga
linaw ang dagat
milabay ang kanaway
og ang adlaw
hinay hinay nga
nagsubay
kon ikaw ania pa ba
gihapon dinhi
nga mihanggab sa
hangin
hangtod sa kahaponon
hangtod
sa kangitngit
kwidaw ka
ayaw og salig
basin dunay mahitabo unya kanimo
daghang moabot dinhi
nga dili mo kaila
og dili motingog
amping lang
ayaw palupig.
ginhawa bay
hanggaba ang kalipay.
nga hangin
dili kini hangin nga
gisala
wala'y nigo dinhi
nga moalig-ig og
pilian ang mas puti
nga bugas kadtong wala
nay tipasi og
mga bato nga makabuak
sa ngipon o kaha
mga bildo nga peligro
hanggab sa hangin dinhi
(di ba usahay bahong
tae sa baboy?)
pasensya na
(dunay mga bata dinhi
nga walay ilo
apan maayong mopahiyom
og matintal ka
og halok sa ilang mga
aping)
hanggaba ang
hangin nga asgad
(ingon ang uban aslom
pa kaysa sa singot nga
nauga
sa usa ka mangingisda
nga walay kuha)
dugay na ko diri
apan wa ko maghimo og
mga sumdanan
kay kining lugara
alang sa mga samdan
apan ayaw ka
dunay nanghambog diri
nga siya
malipayon og ang iyang
dughan
wala nay luna
nga sarang kabutangan
sa iyang kalipay
kagahapon dagko ang
balod dinhi
og nalukat ang bag-ong
gitanum nga
katumsan
karong buntaga
linaw ang dagat
milabay ang kanaway
og ang adlaw
hinay hinay nga
nagsubay
kon ikaw ania pa ba
gihapon dinhi
nga mihanggab sa
hangin
hangtod sa kahaponon
hangtod
sa kangitngit
kwidaw ka
ayaw og salig
basin dunay mahitabo unya kanimo
daghang moabot dinhi
nga dili mo kaila
og dili motingog
amping lang
ayaw palupig.
ginhawa bay
hanggaba ang kalipay.
alang kang Brigido
sa dihang
giiyakan mo ang
dili maong patayng
lawas
pagkahuman
nimog tan-aw
nga dako ra diay
kaayo ang tiyan
og imong nahibaw-an
nga dili man diay
kadto si Bing
dili ba nga
imo kong giingnan
nga kini
kataw-anan?
og dili ba
nga sa pagkadungog ko
niini
ako usab mibuhakhak
og katawa
apil na gani si
Nelfa
kadtong babayeng
nihit kaayo
nianang katawa
nakahinuklog ko
sama usab kana
sa paghigugma
mo sa sayop
nga tawo
dili ba usab kini
kataw-anan
apan, kon hunahunaon
pa gyod og ayo
dili kaha nga
kini
dili na kataw-anan
kondili
sakit kaayo? hapdos
unya bisag sakit na kaayo
way tambal?
giiyakan mo ang
dili maong patayng
lawas
pagkahuman
nimog tan-aw
nga dako ra diay
kaayo ang tiyan
og imong nahibaw-an
nga dili man diay
kadto si Bing
dili ba nga
imo kong giingnan
nga kini
kataw-anan?
og dili ba
nga sa pagkadungog ko
niini
ako usab mibuhakhak
og katawa
apil na gani si
Nelfa
kadtong babayeng
nihit kaayo
nianang katawa
nakahinuklog ko
sama usab kana
sa paghigugma
mo sa sayop
nga tawo
dili ba usab kini
kataw-anan
apan, kon hunahunaon
pa gyod og ayo
dili kaha nga
kini
dili na kataw-anan
kondili
sakit kaayo? hapdos
unya bisag sakit na kaayo
way tambal?
12/22/2010
Usa Ko Matulog
Kapoy na
Hapit na alas dose...
Usa ko matulog
Motan-aw usa ko
Sa baybayon...
Aron mohangab og
Lab-as nga balak.
Akoy
2010.12.22
Hapit na alas dose...
Usa ko matulog
Motan-aw usa ko
Sa baybayon...
Aron mohangab og
Lab-as nga balak.
Akoy
2010.12.22
alang kang Gaeia
nagtambag ka sa akong
pangedaron nga mora bag manghod
kaayo ko nimo
apan bisan pa og nasayod na ako
kon unsa ang imong isulti sa unahan
gidayeg ko gihapon ikaw
kabalo ka
mopili kita sa atong dangatan
og walay magbuot kanato niana
ang uban nga sama nimo
ang gihimong sumbanan mao ang kalipay
aduna kay katarungan diha sa kasingkasing
ako usab aduna
mipili sab ko og ang akong gipili akong gipuy-an
sud sa singkwenta ka tuig
og wa akoy gibasolan niana
miingon ko
nahiluna na ako
og ako malipayon apan moingon ka nga ako
dili malipayon
kinsa ba ang magbuot kanimo kon unsa ang
imong hunahunaon?
bisan ako dili makabuot niana
busa igsoon
padayon sa imong mga pagtambag
og mga kabalaka
kay ako ania na
naligo na, nakapanghugas na sa akong mga kamot og tiil
og nakasul-ob na sa akong sapot
nakapanirado na sa akong karsones
nasulod na ang mga butones
sa ilang mga uhales
aduna akoy padulngan
og ako kanang adtoon
sud sa akong mga katarungan
sa ilalom sa akong
konsyensya....
pangedaron nga mora bag manghod
kaayo ko nimo
apan bisan pa og nasayod na ako
kon unsa ang imong isulti sa unahan
gidayeg ko gihapon ikaw
kabalo ka
mopili kita sa atong dangatan
og walay magbuot kanato niana
ang uban nga sama nimo
ang gihimong sumbanan mao ang kalipay
aduna kay katarungan diha sa kasingkasing
ako usab aduna
mipili sab ko og ang akong gipili akong gipuy-an
sud sa singkwenta ka tuig
og wa akoy gibasolan niana
miingon ko
nahiluna na ako
og ako malipayon apan moingon ka nga ako
dili malipayon
kinsa ba ang magbuot kanimo kon unsa ang
imong hunahunaon?
bisan ako dili makabuot niana
busa igsoon
padayon sa imong mga pagtambag
og mga kabalaka
kay ako ania na
naligo na, nakapanghugas na sa akong mga kamot og tiil
og nakasul-ob na sa akong sapot
nakapanirado na sa akong karsones
nasulod na ang mga butones
sa ilang mga uhales
aduna akoy padulngan
og ako kanang adtoon
sud sa akong mga katarungan
sa ilalom sa akong
konsyensya....
ang nahitabo
midagsang ang daghang tamsi
sa akong nataran
mitugdong sa kahoy sa mansanitas
nga akong tinanom
kadyot lang sila didto
wala na gani maabti sa pagkauga sa mga yamog
og dayong lupad
silang tanan
nagpalayo kanako
ang nagpabilin mao lamang ang usa ka
puti nga rosa
apan kon nahisama lamang kini sa mga tamsi
nga adunay mga pako
og suod kaayo sa hangin
basin og magpalayo usab kini kanako
gilantaw ko ang lim-aw sa akong kasingkasing
wala na'y kisaw ang tubig
og ang mga dahon nga nangahulog
hilom nga nangatulog
sa akong nataran
mitugdong sa kahoy sa mansanitas
nga akong tinanom
kadyot lang sila didto
wala na gani maabti sa pagkauga sa mga yamog
og dayong lupad
silang tanan
nagpalayo kanako
ang nagpabilin mao lamang ang usa ka
puti nga rosa
apan kon nahisama lamang kini sa mga tamsi
nga adunay mga pako
og suod kaayo sa hangin
basin og magpalayo usab kini kanako
gilantaw ko ang lim-aw sa akong kasingkasing
wala na'y kisaw ang tubig
og ang mga dahon nga nangahulog
hilom nga nangatulog
12/21/2010
paigot...
ang kalamposan kon dayag ra kaayo
walay lami
ang kalig-on sa imong mga baraha
kon kalit mo kining giuklab
wala ang kulbahinam
sa lawak kon imong dalion paglabay
ang imong mga sapot
mawala ang lami kay mawa man
usab ang pagkakulbahinam
busa mahimo ba nga
maghisgot una kita bahin kanato?
sultii ako kon dis-a ka gikan og asa ka paingon
daygi ako kon unsa ba gayod ang
tuyo og tumong ning atong gikasabotan
mahimo bang sultihan ko una ikaw nga ang akong kasingkasing
mipitik sa imong kaanyag?
mahimo bang sultihan mo usab ako nga ikaw
adunay gikamingawan
bisan niadtong kanhiay pa
bisan og sayod ako nga dili ako kadto
mas nindot unta kon atong padugayon una ang paglabay sa panahon
sa atong mga kaugatan
og kaunuran
mas lami baya gayod unta kon ang kauga sa atong mga palad
ato unang dagkotan sa kalayo sa
gugma
kana kon ikaw mitoo pa niana
gugma-gugma
kana kon kitang duha nahisama pa gihnapon sa mga abring bintana
nga gustong motagamtam
nianang kahayag sa adlaw sa bag-ong kabuntagon
mahimo bang hawiran ko una ang imong mga kamot
disir ako mosulod sa imong kagahapon?
abi god nimo
ambot pero ako
ning akong edad nga
50
ganahan pa gihapon nianang ginagmayng
mga paigot...
walay lami
(pamati ba)
ang kalig-on sa imong mga baraha
kon kalit mo kining giuklab
wala ang kulbahinam
(sugarol ka ba usab? kabalo ba ka anang piyat-piyat?)
sa lawak kon imong dalion paglabay
ang imong mga sapot
mawala ang lami kay mawa man
usab ang pagkakulbahinam
(ayaw sag huboa ang imong panty og bra
tapad sa nako bi diri sa kutson tang katre)
tapad sa nako bi diri sa kutson tang katre)
busa mahimo ba nga
maghisgot una kita bahin kanato?
(unsay imong gustong flavor sa ice cream?
lami ba ang dinuguan sa Red Ribbon?)
lami ba ang dinuguan sa Red Ribbon?)
sultii ako kon dis-a ka gikan og asa ka paingon
daygi ako kon unsa ba gayod ang
tuyo og tumong ning atong gikasabotan
(taga-dis-a diay ka oi?
tagpila man diay ang kilo sa manggang hinog
diha sa Carbon?)
tagpila man diay ang kilo sa manggang hinog
diha sa Carbon?)
mahimo bang sultihan ko una ikaw nga ang akong kasingkasing
mipitik sa imong kaanyag?
(ayaw kog ingna nga hilas pamation, palihog lang)
mahimo bang sultihan mo usab ako nga ikaw
adunay gikamingawan
bisan niadtong kanhiay pa
bisan og sayod ako nga dili ako kadto
(kay sa akong panahon,
adunay nagsulti baya kanako nga kuno ako iyang gikamingawan
og wa siya katulog sa pipila ka gabii og adlaw)
adunay nagsulti baya kanako nga kuno ako iyang gikamingawan
og wa siya katulog sa pipila ka gabii og adlaw)
mas nindot unta kon atong padugayon una ang paglabay sa panahon
sa atong mga kaugatan
og kaunuran
mas lami baya gayod unta kon ang kauga sa atong mga palad
ato unang dagkotan sa kalayo sa
gugma
(gahilas-hilas ko?)
kana kon ikaw mitoo pa niana
gugma-gugma
(palihog ilabay na kanang imong juicy fruit,
kay ganiha ra kang usap niana. Tam-is pa ba god na?
di na lagi baho ang imong baba.)
kana kon ikaw mopatoo pa usab kanakokay ganiha ra kang usap niana. Tam-is pa ba god na?
di na lagi baho ang imong baba.)
(opps di pa baya ko kaayo tigulang ha
nga imong gipakisama nga giango-ango)
nga imong gipakisama nga giango-ango)
kana kon kitang duha nahisama pa gihnapon sa mga abring bintana
nga gustong motagamtam
nianang kahayag sa adlaw sa bag-ong kabuntagon
mahimo bang hawiran ko una ang imong mga kamot
disir ako mosulod sa imong kagahapon?
(pahiyom sab oi, ganiha ra man kang gamog-ot diha)
abi god nimo
ambot pero ako
ning akong edad nga
50
ganahan pa gihapon nianang ginagmayng
mga paigot...
(kabalo kong gadali ka,
sorry)
sorry)
pahaloka ko bi.
pagpanikop og rami og puyo sa lam-aw
bisag unsa ka idlas
ang mga puyo
og rami
diha sa lam-aw nga gitiman-an
mo sa mga gitabon nga
mga lukay
kon ang imong mga kamot
kamaong maningkamot
masakpan mo gihapon
kini,
dili malikayan usahay nga
masamdan ka sa
iyang silik
apan kinsa ba ang dili samdan
ning atong kapobrehon?
bisan og taob ang suba og ang
lam-aw habog ang tubig
sa hinay-hinay mong pagkabo
makab-ot ra gihapon ang
hunasan
ang kalipay sa dughan
kon makita na ang mga puyo og
mga rami
nga nagkisikisi
dili baya gayod kabayran
ang mga puyo
og rami
diha sa lam-aw nga gitiman-an
mo sa mga gitabon nga
mga lukay
kon ang imong mga kamot
kamaong maningkamot
masakpan mo gihapon
kini,
dili malikayan usahay nga
masamdan ka sa
iyang silik
apan kinsa ba ang dili samdan
ning atong kapobrehon?
bisan og taob ang suba og ang
lam-aw habog ang tubig
sa hinay-hinay mong pagkabo
makab-ot ra gihapon ang
hunasan
ang kalipay sa dughan
kon makita na ang mga puyo og
mga rami
nga nagkisikisi
dili baya gayod kabayran
paghandom...
sa sulod sa lawak
nakita ko ang nagtulo nga luha
morag nangatagak nga dahon
sa kahoy nga patay
migawas ko
nakita ko ang mga dag-om
sa dihang mitikang ko gawas sa pultahan
mikusog dayon og buhos ang
ulan
nasirad-an na ang pultahan
og wala na usab sa akong mga kamot
ang kaisog sa pagpanuktok
alas dos kadto sa hapon
nakita ko ang nagtulo nga luha
morag nangatagak nga dahon
sa kahoy nga patay
migawas ko
nakita ko ang mga dag-om
sa dihang mitikang ko gawas sa pultahan
mikusog dayon og buhos ang
ulan
nasirad-an na ang pultahan
og wala na usab sa akong mga kamot
ang kaisog sa pagpanuktok
alas dos kadto sa hapon
punting....
ako sang gipunting
ang naghatag og kagil-as kanimo
naghisgot ka nga
sa pipila kaadlaw gikatlan ka
nagpadungog-dungog ka
nga gilok ang kigwa nga
dili mopahawa
sa imong kigol
og nakahinumdom ko sa among
himongaan didto sa
Sinaman
apan, dugay na kadto
dugay na...
mas katol ang mga bakak
mas gilok ang atong mga gipunting
og ang atong mga hunahuna
nahisama sa mga
kagingking.
ang naghatag og kagil-as kanimo
naghisgot ka nga
sa pipila kaadlaw gikatlan ka
nagpadungog-dungog ka
nga gilok ang kigwa nga
dili mopahawa
sa imong kigol
og nakahinumdom ko sa among
himongaan didto sa
Sinaman
apan, dugay na kadto
dugay na...
mas katol ang mga bakak
mas gilok ang atong mga gipunting
og ang atong mga hunahuna
nahisama sa mga
kagingking.
ang imong laing focal point...
sa dihang nahulog na
ang akong
brief didto sa salog
sa Park View Hotel
wala na nimo
mabantayi nga ang akong
lapalapa
mas pula pa
kaysa kinapulahan nga
gumamela...
ang akong
brief didto sa salog
sa Park View Hotel
wala na nimo
mabantayi nga ang akong
lapalapa
mas pula pa
kaysa kinapulahan nga
gumamela...
kay ikaw lang og ikaw lang gayod ang matood....
naibog ka ba
kanamo nga ania nagtungtong sa bato
sa kinahabugang
pangpang?
ay kanay
di taka sultihan nga nindot
diri
bugnaw ang hangin
og ang mga panganod
sa adlaw
nakighagwa kanamo
sa among kagabhion
ang lamdag
mao ang mga bitoon
og ang bulan
among katupad
sama sa nanaghinigugmaay
nga wala na
nagkinahanglan og pulong
aron malipay
aron magkasinabot
sa pagsulod sa sabakan
sa kinabuhing
walay kamatayon
gusto mo ba nga mahimong
usa kanamo?
adunay dalan nga gihatag
kanimo niadtong una
mong pag-iyak
niadtong nakaihi
ka sa imong
gihigdaan
niadtong gibunalan
ka sa ilang
palad
kung gusto mo gayod nga
motungtong ning kinahabugan nga
pangpang
og gusto mong mahanggab ang
kinabugnawang hangin
kung gusto mo gayod nga
makigtupad sa bulan
og makighagwa sa mga bitoon
palihog ayaw og sunod sa among
mga tunob
ayaw og pamati sa among tingog
ayaw og lantaw kon asa kami padulong
ayaw og buhata ang among
mga nabuhat
kanamo nga ania nagtungtong sa bato
sa kinahabugang
pangpang?
ay kanay
di taka sultihan nga nindot
diri
bugnaw ang hangin
og ang mga panganod
sa adlaw
nakighagwa kanamo
sa among kagabhion
ang lamdag
mao ang mga bitoon
og ang bulan
among katupad
sama sa nanaghinigugmaay
nga wala na
nagkinahanglan og pulong
aron malipay
aron magkasinabot
sa pagsulod sa sabakan
sa kinabuhing
walay kamatayon
gusto mo ba nga mahimong
usa kanamo?
adunay dalan nga gihatag
kanimo niadtong una
mong pag-iyak
niadtong nakaihi
ka sa imong
gihigdaan
niadtong gibunalan
ka sa ilang
palad
kung gusto mo gayod nga
motungtong ning kinahabugan nga
pangpang
og gusto mong mahanggab ang
kinabugnawang hangin
kung gusto mo gayod nga
makigtupad sa bulan
og makighagwa sa mga bitoon
palihog ayaw og sunod sa among
mga tunob
ayaw og pamati sa among tingog
ayaw og lantaw kon asa kami padulong
ayaw og buhata ang among
mga nabuhat
12/20/2010
sa hongkong
nagpa-picture si dondon nga gilibotan
sa daghang mga bata
(nga iyang hinulaman)
og ang iyang asawa
nga sigi niyang awayon
wala na niya iapil sa iyang kamingaw
og sa katugnaw
sa iyang panahon.
sa daghang mga bata
(nga iyang hinulaman)
og ang iyang asawa
nga sigi niyang awayon
wala na niya iapil sa iyang kamingaw
og sa katugnaw
sa iyang panahon.
yano
ingon ka
yano lang ang imong gikinahanglan
nagpalayo ka sa kumplikado
dili ka nianang maghatag og
kalibog
"simple lang" mao ang imong
siging ibungat kanako nga mora bag
ang simple
simple lang
nga ang yano kon buhaton
dali lang
apan dili ingong ana ka simple ang
yano
ang adlaw morag yano lamang
tungod kay layo kini kaayo kanato
apan kon imong duolon
dili ingon ana ka yano kon ikaw
sunugon
sa walay pagpamilok nianang
adlaw
seguro yano ang tanan kon magpalayo kita
apan mahitabo ba kanunay nga ang pagpalayo
mabuhat ta?
adunay moduol kanato nga mosunog kanato
adunay nahigugma kanato nga
makamatay kanato
adunay katam-is nga kon ayohon nimog usap
makalanag
makamatay
unsa bay imong buhaton kon ikaw ang duolon
og ikaw ang gakson og
ikaw ang halokan?
itulod mo ba kini palayo kanimo?
mao kini ang gihunahuna usahay sa usa ka babaye
nga gustong mahimong putli
og dalayegon
apan sa pagkahitabo
ang iyang mga kamot og bukton mao man
gani ang mibira sa nawong sa lalaki og
iya kining gilumsan sa iyang
dughan
gugma, yano lang ba kini?
giyano mo lang ba ang hapit makapatay kanimo?
kadtong hapit ka miambak sa pangpang
kay dili mo na maantos ang kasakit?
kadtong milakaw ka paingon sa dagat
nga walay tan-aw tan-aw sa
mga bato og sa imong
gigikanan?
yano, yamat.
yano lang kaha?
pila pa kaha ka sako sa bugas ang imong
lung-agon aron
ka makakat-on?
dili yano ang kinabuhi
dili mo kini mahimong yano
kay ang kinabuhi mismo
duol kaayo kanato
og gani ania kini sud sa atong kasingkasing
nga hangtod karon
nagpabilin nga samdan
yano lang ang imong gikinahanglan
nagpalayo ka sa kumplikado
dili ka nianang maghatag og
kalibog
"simple lang" mao ang imong
siging ibungat kanako nga mora bag
ang simple
simple lang
nga ang yano kon buhaton
dali lang
apan dili ingong ana ka simple ang
yano
ang adlaw morag yano lamang
tungod kay layo kini kaayo kanato
apan kon imong duolon
dili ingon ana ka yano kon ikaw
sunugon
sa walay pagpamilok nianang
adlaw
seguro yano ang tanan kon magpalayo kita
apan mahitabo ba kanunay nga ang pagpalayo
mabuhat ta?
adunay moduol kanato nga mosunog kanato
adunay nahigugma kanato nga
makamatay kanato
adunay katam-is nga kon ayohon nimog usap
makalanag
makamatay
unsa bay imong buhaton kon ikaw ang duolon
og ikaw ang gakson og
ikaw ang halokan?
itulod mo ba kini palayo kanimo?
mao kini ang gihunahuna usahay sa usa ka babaye
nga gustong mahimong putli
og dalayegon
apan sa pagkahitabo
ang iyang mga kamot og bukton mao man
gani ang mibira sa nawong sa lalaki og
iya kining gilumsan sa iyang
dughan
gugma, yano lang ba kini?
giyano mo lang ba ang hapit makapatay kanimo?
kadtong hapit ka miambak sa pangpang
kay dili mo na maantos ang kasakit?
kadtong milakaw ka paingon sa dagat
nga walay tan-aw tan-aw sa
mga bato og sa imong
gigikanan?
yano, yamat.
yano lang kaha?
pila pa kaha ka sako sa bugas ang imong
lung-agon aron
ka makakat-on?
dili yano ang kinabuhi
dili mo kini mahimong yano
kay ang kinabuhi mismo
duol kaayo kanato
og gani ania kini sud sa atong kasingkasing
nga hangtod karon
nagpabilin nga samdan
sa una magsulti ko sa tinood
sa una lang kadto dayon nakakat-on ko
nagsulti ko sa bakak
sa una wala ka gayod mitoo kanako
bisan og nagsulti ko sa tinood
mikatawa ka lang
og nakakat-on ko kon unsaon ko ikaw paglipay
nagsugod ko og pamakak
og mikatawa ka og kusog kay mora bag ang
mga bakak mao ang makalipay kanimo
og busa gidugangan ko ang bakak og laing bakak
hangtod nga ang tanan mora na pod og tinood
og miiyak ka og naglibog ko
og ang mga bakak akong gipapas sa mga tinood
og ang mga tinood akong gitabonan na usab
sa mga bakak
hangtod nga mora ka og adlaw og gabii
nagpulipuli ang bugnaw og init
nagsapaw sapaw ang ngitngit og kahayag
hangtod na ako nahimo na usab nga
usa ka kalibotan nga
nagtuyok sa imong lawas
hunahuna sa imong tibook kasingkasing
hangtod nga ikaw nahimong adlaw
og ako nahimo usab mga bulan
og mga bitoon
hangtod nga ang akong kinabuhi
nawagtang
nahimong usa ka kalibog nga tungod og alang
sa usa ka gugma
nga walay kapadulngan
kondili mao lamang ang pagtago sa usa ka lawak
nagpakaisog kini sa pagpuyo sa
usa ka salag sa bakak
nga nag-atiman sa mga itlog sa umaabot pa
nga mga kinabuhi
og ang mga kamatooran nahimong mga
balahibo nga nangahulog sa silong sa
dakong punoan sa kahoy
hangtod nga ang tanan nanglupad
namahawa
nangita sa ilang kapalaran
didto, didto sa layong isla
nga wa pa sugod maabti
sa atong mga pangandoy
sa una lang kadto dayon nakakat-on ko
nagsulti ko sa bakak
sa una wala ka gayod mitoo kanako
bisan og nagsulti ko sa tinood
mikatawa ka lang
og nakakat-on ko kon unsaon ko ikaw paglipay
nagsugod ko og pamakak
og mikatawa ka og kusog kay mora bag ang
mga bakak mao ang makalipay kanimo
og busa gidugangan ko ang bakak og laing bakak
hangtod nga ang tanan mora na pod og tinood
og miiyak ka og naglibog ko
og ang mga bakak akong gipapas sa mga tinood
og ang mga tinood akong gitabonan na usab
sa mga bakak
hangtod nga mora ka og adlaw og gabii
nagpulipuli ang bugnaw og init
nagsapaw sapaw ang ngitngit og kahayag
hangtod na ako nahimo na usab nga
usa ka kalibotan nga
nagtuyok sa imong lawas
hunahuna sa imong tibook kasingkasing
hangtod nga ikaw nahimong adlaw
og ako nahimo usab mga bulan
og mga bitoon
hangtod nga ang akong kinabuhi
nawagtang
nahimong usa ka kalibog nga tungod og alang
sa usa ka gugma
nga walay kapadulngan
kondili mao lamang ang pagtago sa usa ka lawak
nagpakaisog kini sa pagpuyo sa
usa ka salag sa bakak
nga nag-atiman sa mga itlog sa umaabot pa
nga mga kinabuhi
og ang mga kamatooran nahimong mga
balahibo nga nangahulog sa silong sa
dakong punoan sa kahoy
hangtod nga ang tanan nanglupad
namahawa
nangita sa ilang kapalaran
didto, didto sa layong isla
nga wa pa sugod maabti
sa atong mga pangandoy
hagwa
gamayng kasakit lang
morag paak sa usa ka hulmigas
sa usa ka hamubong panahon
gihagwa ka
ang imong mga luha walay
mga baba
busa dili mo makita ang
pahiyom sa ilang
paghulog
paingon sa yuta
kon madungog mo lang unta ang
imong mga pilok
mabati mo unta ang agik-ik
sa wala pa kini mipiyong
ang imong ilong nakasimhot
usab og kalipay
apan wala na kini nimo
mabati sa dihang misulod ka na
sa pultahan sa
katulugon og gitagbo ka
sa awit sa imong
mga damgo
morag paak sa usa ka hulmigas
sa usa ka hamubong panahon
gihagwa ka
ang imong mga luha walay
mga baba
busa dili mo makita ang
pahiyom sa ilang
paghulog
paingon sa yuta
kon madungog mo lang unta ang
imong mga pilok
mabati mo unta ang agik-ik
sa wala pa kini mipiyong
ang imong ilong nakasimhot
usab og kalipay
apan wala na kini nimo
mabati sa dihang misulod ka na
sa pultahan sa
katulugon og gitagbo ka
sa awit sa imong
mga damgo
kita ang mabutang nga hinay sa ilang
mga libro sa usa ka pahina
mahisgotan kita nga wala makapasgang
sa kahuyang kay kita ang nalooy
og ang nailad
sa mga gihay sa akong kinabuhi
wala koy gisulat bisag usa
sa panit sa kahoy adunay isog didto
nga nagkulit og kasingkasing
og sa samdan nga kahoy
mitulo ang dugo
sa atong mga kasakit
diha sa mga ulat sa gugma
gisaway kita nila
og gitagna nga sa atong mga kahuyang
papaon kita sa mga kamot sa panahon
apan wala kita mahadlok niana
wala na dinhi ang atong mga tunob og ang atong
mga balay nga kawayan og nipa
hagbay ra natong gisunog
wala sila masayod nga dili dinhi ang lubnganan
sa atong mga kasingkasing
dili dinhi ang atong mga tumong og kapaingnan
naaninag na kana nila og karon sila
ang gisugdan og hadlok sa ilang mga kapalaran
mga libro sa usa ka pahina
mahisgotan kita nga wala makapasgang
sa kahuyang kay kita ang nalooy
og ang nailad
sa mga gihay sa akong kinabuhi
wala koy gisulat bisag usa
sa panit sa kahoy adunay isog didto
nga nagkulit og kasingkasing
og sa samdan nga kahoy
mitulo ang dugo
sa atong mga kasakit
diha sa mga ulat sa gugma
gisaway kita nila
og gitagna nga sa atong mga kahuyang
papaon kita sa mga kamot sa panahon
apan wala kita mahadlok niana
wala na dinhi ang atong mga tunob og ang atong
mga balay nga kawayan og nipa
hagbay ra natong gisunog
wala sila masayod nga dili dinhi ang lubnganan
sa atong mga kasingkasing
dili dinhi ang atong mga tumong og kapaingnan
naaninag na kana nila og karon sila
ang gisugdan og hadlok sa ilang mga kapalaran
12/18/2010
mga kabayo ni Socrates
aron way magmahay
sa mga kabayo ni Socrates
gisakyan nako silang tanan
kadtong kabayong itom
og puti....
dili ko si Oedipus
kabalo ka niana
ayaw kog ingna nga
wa sab ka masayod kon kinsa
og unsa ang
Sphinx.
sa mga kabayo ni Socrates
gisakyan nako silang tanan
kadtong kabayong itom
og puti....
dili ko si Oedipus
kabalo ka niana
ayaw kog ingna nga
wa sab ka masayod kon kinsa
og unsa ang
Sphinx.
kapoy baya nang ikaw lang
ang nahigugma
bisan unsaon nimog hatag
sa kaayo
balewala lang niya
kon mopahiyom ka
og motupad
abi niya og inamigo lang
hangtod nga moisplikar ka
unya kasukaon siya
gilood, namugnaw
napungot, naulaw,
unya moingon siya
wa siya magdahom nga
ikaw naghatag diay og
kahulugan sa wala lang
walay nahitabo
sa gugmang tiunay
nahimong bugsay
sa mabaw nga busay
sa pipila ka tuig
mikaon kag tagam
hangtod nga usa ka adlaw
niana adunay nasayop kanimo
gihigugma ka kuno niya
(apan wa jud kay gibati bisan
na lang sa paak sa
lamigas)
og karon nakasabot ka na
kon unsa kanang
gilood, namugnaw
napungot, naulaw,
kon unsa kanang kasukaon ka
bisag walay tae sa iring
diha sa imong talad kan-anan
kon unsa kanang
manglimbawot ang imong
balahibo bisag wala pa'y
kalag-kalag
kon unsay bation kon ikaw
kuno gihigugma pag-ayo
unya ikaw nagtoo nga kamong duha
diay amigo ra
di malalim di ba?
ang nahigugma
bisan unsaon nimog hatag
sa kaayo
balewala lang niya
kon mopahiyom ka
og motupad
abi niya og inamigo lang
hangtod nga moisplikar ka
unya kasukaon siya
gilood, namugnaw
napungot, naulaw,
unya moingon siya
wa siya magdahom nga
ikaw naghatag diay og
kahulugan sa wala lang
walay nahitabo
sa gugmang tiunay
nahimong bugsay
sa mabaw nga busay
sa pipila ka tuig
mikaon kag tagam
hangtod nga usa ka adlaw
niana adunay nasayop kanimo
gihigugma ka kuno niya
(apan wa jud kay gibati bisan
na lang sa paak sa
lamigas)
og karon nakasabot ka na
kon unsa kanang
gilood, namugnaw
napungot, naulaw,
kon unsa kanang kasukaon ka
bisag walay tae sa iring
diha sa imong talad kan-anan
kon unsa kanang
manglimbawot ang imong
balahibo bisag wala pa'y
kalag-kalag
kon unsay bation kon ikaw
kuno gihigugma pag-ayo
unya ikaw nagtoo nga kamong duha
diay amigo ra
di malalim di ba?
DIDTO SA BUNGTOD...
giputol niya ang kahoy
nga lunay
akong gihikap ang pinutlan
nga adunay duga
humot, miangkon ka,
miyango ko
naghisgot ka nga kini
tambal sa samdan nga kasingkasing
mihangyo ko
nga dugangan ko nimo og sanga
aron akong itanom
sa nataran sa akong hunahuna
kay gusto nakong tan-awon
puhon ang bunga
sa gugmang guba
sa damgong nabali
ning palad nga balikog
ning gabok nga tungkod.
nga lunay
akong gihikap ang pinutlan
nga adunay duga
humot, miangkon ka,
miyango ko
naghisgot ka nga kini
tambal sa samdan nga kasingkasing
mihangyo ko
nga dugangan ko nimo og sanga
aron akong itanom
sa nataran sa akong hunahuna
kay gusto nakong tan-awon
puhon ang bunga
sa gugmang guba
sa damgong nabali
ning palad nga balikog
ning gabok nga tungkod.
kalimot...
pagkadako gayod
sa gahom sa kalimot,
nalimtan mo na man
gani ang imong
tingog
nabilin mo pa man gani
ang imong kalag
gidala mo ang imong lawas
apan wala kay gibati
duna kay gihunahuna apan
dili nimo gustong sabton
kabalo kong
gisakitan gihapon ka
gusto nakong haployon
tayhopon
apan bisan gani sa akong
anino lamang
nahadlok ka na man
ang akong tingog imo na
mang gikalisangan
ang akong kagahapon
og ang imong kagahapon
nahisama naman
sa iring og iro nga naggukod
diha sa udtong tutok
sa gahom sa kalimot,
nalimtan mo na man
gani ang imong
tingog
nabilin mo pa man gani
ang imong kalag
gidala mo ang imong lawas
apan wala kay gibati
duna kay gihunahuna apan
dili nimo gustong sabton
kabalo kong
gisakitan gihapon ka
gusto nakong haployon
tayhopon
apan bisan gani sa akong
anino lamang
nahadlok ka na man
ang akong tingog imo na
mang gikalisangan
ang akong kagahapon
og ang imong kagahapon
nahisama naman
sa iring og iro nga naggukod
diha sa udtong tutok
dili unta...
dili igong katarungan nga
ako dili mo maangkon nga imo akong
isalikway sa dayon,
sama nga ikaw ako lang gihapong gimahal
bisag ako dili na ako
bisag ako nahikatulog na sa dughan
sa lain
ayaw hunahunaa nga kini lang ang utlanan
sa gugma
wala ka ba masayod nga sa unahan ning labat
anaa pa gihapon ang lapad nga dagat?
walay kataposan ang kinabuhi sa gugmang
wala kaila og unsay utlanan
ako dili mo maangkon nga imo akong
isalikway sa dayon,
sama nga ikaw ako lang gihapong gimahal
bisag ako dili na ako
bisag ako nahikatulog na sa dughan
sa lain
ayaw hunahunaa nga kini lang ang utlanan
sa gugma
wala ka ba masayod nga sa unahan ning labat
anaa pa gihapon ang lapad nga dagat?
walay kataposan ang kinabuhi sa gugmang
wala kaila og unsay utlanan
Balaki ko
dili pa paigo ang kalawom
sa tubig sa sapa
lumsan ko unta
ang akong mga kasubo
sa tubig sa sapa
lumsan ko unta
ang akong mga kasubo
sweet ginams
dunay tahas ang
sweet ginams nga giparisan
sa inadlip nga hilaw nga
mangga
sa silong sa punoan sa
starapple
nagpatulo ta
sa atong mga laway
sweet ginams nga giparisan
sa inadlip nga hilaw nga
mangga
sa silong sa punoan sa
starapple
nagpatulo ta
sa atong mga laway
rayna rayna sa barangay Ogay
nadungog na nako
kon unsa ang rayna rayna
sa barangay Ogay,
gilok ingon siya
kay medyo hilas
apan miingon baya pod ko
og "sagdi lang
moabot ra puhon ang
iyang tingog"
kanang tingog gikan
sa lalom nga
atabay
tibuok, tul-id,
og dili hagawhaw
kanang awit sa kagabhion
nga gilamdagan sa
usa ka bitoon
kanang walay banda
kanang giduyugan lang sa usa
ka taghoy gikan sa
nagkurog nga
ngabil
kon unsa ang rayna rayna
sa barangay Ogay,
gilok ingon siya
kay medyo hilas
apan miingon baya pod ko
og "sagdi lang
moabot ra puhon ang
iyang tingog"
kanang tingog gikan
sa lalom nga
atabay
tibuok, tul-id,
og dili hagawhaw
kanang awit sa kagabhion
nga gilamdagan sa
usa ka bitoon
kanang walay banda
kanang giduyugan lang sa usa
ka taghoy gikan sa
nagkurog nga
ngabil
Pasaylo ug Pagsalig
Pasaylo ug Pagsalig
by Genamos_US of Washington, DC USA
Ikaw ang nagtukmod kanako
Nga tukoron pagbalik ang haligi ning atong gugma
Sa nangagusbat kung kalibutan
Nga napuno sa kamingaw
Nga andam gam-on pag-usab
Kadtong atop sa atong pagsalig
Ning nagduhiraw tang kasingkasing
Nga puno sa kahigwa-os ug kasakit
Kining atop ning pagsalig
Maoy kini andam molandung kanato
Sa matag bundak sa uwan og taligsik
Sa kalisdanan ning kinabuhi
Buhi-i kanang mga kabalaka ug kahigwa-os
Sa imong kasingkasing ug hunahuna
Aron mo ako masabtan ning akong dughan
Bisan pa kini nahunlak ang pondasyon
Sa atong gugma sa niaging panahon
Tugoti kining akong dughan sa tumang kahidlaw
Sa pagsangyaw pag-usab
Sa gugma ko kanimo
Nga walay pagkapalong
Paminawa kining mga tinagoktok
Sa akong kasingkasing sa kanimo gihidlaw
Abilihi ug dawata kining akong dughan
Sa walay pagduha-duha akong pinili
Akong ikulit kining tim-os kung gugma
Sa dagway sa langit
Ug andam ko kini banhawon
Ang nahikatulog nga pagbati
Nibalik ako aron sa pagtuman
Ni-adtong pakyas nga mga saad ug panumpa
Nga dugay nang imong gikalimtan
Dili ko itogot kining higayon
Nga buhi-an ang kamot sa gugma ning akong dughan
Sa pagkalagas ug pagkahanaw
Dawata kining akong pasaylo
Sa nabuhat kung kasaypanan
Bisan pag imo kung lumsan
Sa imong mga hilak og danguyngoy
Andam ko kini pagkabasulan
Ug dawaton sa walay pagmahay
Kay mao kini ang bugti sa lingla
Ning masalaypon ug nahisal-ag kung pagbati
by Genamos_US of Washington, DC USA
Ikaw ang nagtukmod kanako
Nga tukoron pagbalik ang haligi ning atong gugma
Sa nangagusbat kung kalibutan
Nga napuno sa kamingaw
Nga andam gam-on pag-usab
Kadtong atop sa atong pagsalig
Ning nagduhiraw tang kasingkasing
Nga puno sa kahigwa-os ug kasakit
Kining atop ning pagsalig
Maoy kini andam molandung kanato
Sa matag bundak sa uwan og taligsik
Sa kalisdanan ning kinabuhi
Buhi-i kanang mga kabalaka ug kahigwa-os
Sa imong kasingkasing ug hunahuna
Aron mo ako masabtan ning akong dughan
Bisan pa kini nahunlak ang pondasyon
Sa atong gugma sa niaging panahon
Tugoti kining akong dughan sa tumang kahidlaw
Sa pagsangyaw pag-usab
Sa gugma ko kanimo
Nga walay pagkapalong
Paminawa kining mga tinagoktok
Sa akong kasingkasing sa kanimo gihidlaw
Abilihi ug dawata kining akong dughan
Sa walay pagduha-duha akong pinili
Akong ikulit kining tim-os kung gugma
Sa dagway sa langit
Ug andam ko kini banhawon
Ang nahikatulog nga pagbati
Nibalik ako aron sa pagtuman
Ni-adtong pakyas nga mga saad ug panumpa
Nga dugay nang imong gikalimtan
Dili ko itogot kining higayon
Nga buhi-an ang kamot sa gugma ning akong dughan
Sa pagkalagas ug pagkahanaw
Dawata kining akong pasaylo
Sa nabuhat kung kasaypanan
Bisan pag imo kung lumsan
Sa imong mga hilak og danguyngoy
Andam ko kini pagkabasulan
Ug dawaton sa walay pagmahay
Kay mao kini ang bugti sa lingla
Ning masalaypon ug nahisal-ag kung pagbati
ikaw kini
pagkabalod sa imong mga pilok
morag duyanan sa akong
mga damgo
sa nanghinambid mo nga paa
ako maluya
sa puti mo nga panit
ako moinit
mora akog iro nga
nagpatulo sa akong laway
diha sa akong mga tiil
samtang naglantaw
kanimo
O kaanyag
ang imong mga ngabil
naghatag kanako og mga kauhaw
nga dili matambalan sa
tubig sa mga katuigan
ang imong dughan
nahimo kong sumbanan sa
akong mga balak
og ako nahimong bata nga
gustong mosalom
sa tin-aw kaayong dagat
sa kabuntagon
ayaw pagsalig nga ako
naibog kanimo
ayaw kataw-i ang akong
kahigwaos nga
unta ako makadulog kanimo
aron akong maangkon
ang tanan kanimo
bisan sa hamubong panahon
lamang
ibutang ta nga ang tanan
nahimong irong buang tungod kanimo
og maapil mo ako
sa ihap sa kitoy sa imong mga tudlo
apan adunay dili mo makuha kanako
usa ka butang nga dili mo
gayod mahangyo
pangutan-a ako
kon nahigugma ba ako kanimo?
pagkabalod sa imong mga pilok
morag duyanan sa akong
mga damgo
sa nanghinambid mo nga paa
ako maluya
sa puti mo nga panit
ako moinit
mora akog iro nga
nagpatulo sa akong laway
diha sa akong mga tiil
samtang naglantaw
kanimo
O kaanyag
ang imong mga ngabil
naghatag kanako og mga kauhaw
nga dili matambalan sa
tubig sa mga katuigan
ang imong dughan
nahimo kong sumbanan sa
akong mga balak
og ako nahimong bata nga
gustong mosalom
sa tin-aw kaayong dagat
sa kabuntagon
ayaw pagsalig nga ako
naibog kanimo
ayaw kataw-i ang akong
kahigwaos nga
unta ako makadulog kanimo
aron akong maangkon
ang tanan kanimo
bisan sa hamubong panahon
lamang
ibutang ta nga ang tanan
nahimong irong buang tungod kanimo
og maapil mo ako
sa ihap sa kitoy sa imong mga tudlo
apan adunay dili mo makuha kanako
usa ka butang nga dili mo
gayod mahangyo
pangutan-a ako
kon nahigugma ba ako kanimo?
nagdamgo ko
sa udtong tutok
nagdamgo ko
nga sulirat ang akong
mga mata
sa akong kahaponon
nagdamgo ko
sud sa akong damgo
nga ako
nagdamgo lamang
nagdamgo ko
bahin nimo
nagdamgo ko kabahin
kanato
nagdamgo ko nga nagdamgo
ako bahin kanako
pagkapait kay bisan og asa
niini
wala gayoy bisag usa nga
nahimong tinood.
nagdamgo ko og hangin
nagdamgo ko sa dili makita
sama sa hangin
nagdamgo ko sa dili mahikap
og ang mga mahikap
nahimo pa man ganing mga damgo
nagdamgo ko sa mga walay
katumanan
sa mga walay kamatooran
og kining tanan
sama sa panahon nga gipalid
sa hangin
nanglabay lamang
miingon ka nga ako
bakakon
nga ako ang miingon nga bisan
asa niining tanan
wala gayoy natuman
ikaw ang nagdamgo.
sa udtong tutok
nagdamgo ko
nga sulirat ang akong
mga mata
sa akong kahaponon
nagdamgo ko
sud sa akong damgo
nga ako
nagdamgo lamang
nagdamgo ko
bahin nimo
nagdamgo ko kabahin
kanato
nagdamgo ko nga nagdamgo
ako bahin kanako
pagkapait kay bisan og asa
niini
wala gayoy bisag usa nga
nahimong tinood.
nagdamgo ko og hangin
nagdamgo ko sa dili makita
sama sa hangin
nagdamgo ko sa dili mahikap
og ang mga mahikap
nahimo pa man ganing mga damgo
nagdamgo ko sa mga walay
katumanan
sa mga walay kamatooran
og kining tanan
sama sa panahon nga gipalid
sa hangin
nanglabay lamang
miingon ka nga ako
bakakon
nga ako ang miingon nga bisan
asa niining tanan
wala gayoy natuman
ikaw ang nagdamgo.
sa suba nga bugnaw
gusto nila nga kita maghubo
sa tanang tang sapot
aron maligo kuyog kanila diha
sa sulod sa suba nga
bugnaw,
daghan ang gustong motan-aw
dunay uban nga namugos og ikaw nga
wala na mogamit sa imong hunahuna
gawas lamang sa kaubos sa imong
kasingkasing
mihatag kanila sa ilang gusto og imong
gihubo ang imong sapot
og nakita ka nila
sa imong tinood nga panit
ang imong balahibo ang imong
pusod ang imong ilok
ang tanan tanan gayod
nga kasagaran ikaw lang og ang imong
samin ang suod
morag naulaw ka gamay
apan imong gitulon ang nagpahipi mo
nga garbo
tungod og alang kanila
nga misaad nga ikaw og sila
usa ra
pagkabugnaw sa kagabhion
niadtong higayona og sila nga
mitutok kanimo
nanag-inom sa ilang mga init
nga kape
og nanagtapis sa ilang mga habol
og nagputos sa ilang ulo
og mga tiil
ikaw lang ang nag-inosara sa
imong pagkahubo
nahisama ka sa usa ka Kristo
paingon sa imong kalbaryo
aron kaha ilansang sa krus
apan mipasalig sila
nga sa kataposan sa pagkakita sa kamatooran
wala kay kabilinggan
og wala kay angay nga kalisangan
kay anaa ra sila sa imong tungod
og andam nga motabang
og miingon ang ilang hawod nga
panahon na aron maligo ka
sa bugnaw kaayo nga suba
og mitoo ka
kay nahadlok ka sa imong pag-inosara
sa pipila ka tuig
og miambak ka
naligo sa bugnaw kaayong tubig
didto sa lapad kaayo nga suba
diha sa kangitngit sa imong kagabhion
nga walay bisag usa man lamang
ka bitoon didto sa langit
og mikurog ka
og giduaw ka sa nawong sa kamatayon
og milingi ka sa tampi
og sila nangatawa
o nadungog mo lang kaha
nagduda ka
kay sa tinood wala na silang tanan
nahibilin na lamang ang ilang mga tasa sa kape
og ang ilang mga habol nga bulingon
og ang ilang mga putos sa ilang ulo og mga tiil
nga mga laya na kaayong mga dahon
pagkabuang mo gayod
karon mag-unsa ka?
natambalan ba ang imong pag-inosara?
ikaw lang baya gihapon
og hangtod na kini sa kahangtoran
nagpabilin sila nga walay labot kanimo
og ang ilang gipiyal kanimo
mao lamang ang ilang
pagbiya
kon ugaling
aduna pa man gani nahibilin nga panahon
pahawa diha
sa bugnaw kaayong suba
og tagboa ang imong
kabuntagon
isuot pagbalik ang imong sapot
paugha ang imong mga buhok
og balik sa imong balay
lingkod sa kilid sa bintana
og pamatia ang kaanindot sa kaugalingon
nimong taghoy.
sa tanang tang sapot
aron maligo kuyog kanila diha
sa sulod sa suba nga
bugnaw,
daghan ang gustong motan-aw
dunay uban nga namugos og ikaw nga
wala na mogamit sa imong hunahuna
gawas lamang sa kaubos sa imong
kasingkasing
mihatag kanila sa ilang gusto og imong
gihubo ang imong sapot
og nakita ka nila
sa imong tinood nga panit
ang imong balahibo ang imong
pusod ang imong ilok
ang tanan tanan gayod
nga kasagaran ikaw lang og ang imong
samin ang suod
morag naulaw ka gamay
apan imong gitulon ang nagpahipi mo
nga garbo
tungod og alang kanila
nga misaad nga ikaw og sila
usa ra
pagkabugnaw sa kagabhion
niadtong higayona og sila nga
mitutok kanimo
nanag-inom sa ilang mga init
nga kape
og nanagtapis sa ilang mga habol
og nagputos sa ilang ulo
og mga tiil
ikaw lang ang nag-inosara sa
imong pagkahubo
nahisama ka sa usa ka Kristo
paingon sa imong kalbaryo
aron kaha ilansang sa krus
apan mipasalig sila
nga sa kataposan sa pagkakita sa kamatooran
wala kay kabilinggan
og wala kay angay nga kalisangan
kay anaa ra sila sa imong tungod
og andam nga motabang
og miingon ang ilang hawod nga
panahon na aron maligo ka
sa bugnaw kaayo nga suba
og mitoo ka
kay nahadlok ka sa imong pag-inosara
sa pipila ka tuig
og miambak ka
naligo sa bugnaw kaayong tubig
didto sa lapad kaayo nga suba
diha sa kangitngit sa imong kagabhion
nga walay bisag usa man lamang
ka bitoon didto sa langit
og mikurog ka
og giduaw ka sa nawong sa kamatayon
og milingi ka sa tampi
og sila nangatawa
o nadungog mo lang kaha
nagduda ka
kay sa tinood wala na silang tanan
nahibilin na lamang ang ilang mga tasa sa kape
og ang ilang mga habol nga bulingon
og ang ilang mga putos sa ilang ulo og mga tiil
nga mga laya na kaayong mga dahon
pagkabuang mo gayod
karon mag-unsa ka?
natambalan ba ang imong pag-inosara?
ikaw lang baya gihapon
og hangtod na kini sa kahangtoran
nagpabilin sila nga walay labot kanimo
og ang ilang gipiyal kanimo
mao lamang ang ilang
pagbiya
kon ugaling
aduna pa man gani nahibilin nga panahon
pahawa diha
sa bugnaw kaayong suba
og tagboa ang imong
kabuntagon
isuot pagbalik ang imong sapot
paugha ang imong mga buhok
og balik sa imong balay
lingkod sa kilid sa bintana
og pamatia ang kaanindot sa kaugalingon
nimong taghoy.
12/17/2010
Panahon Sa Rosas
Panahon Sa Rosas
By Genamos_US of Washington DC, USA
Dili kini panahon sa tingtugnaw
Ang mga tinanom kung rosas nahanaw
Kay didto ko sa yuta gibutang
Basin naay nagbalhin sa ka-ang
Panahon karon sa pagpamulak sa mga rosas
Nagkadaiya ang ilang mga kolor sa walay kupas
Nindot nga mga talan-awon
Sa halayo buot kining duawon
Ang mga idlas nga mga bulak
Ning turok nga nagsubwak
Kay didto sa bungtod nagpauraray
Aron ang tanan walay magmahay
Ang mga managhigugmaay nikuray
Kay sa hinatag nga rosas sila nalipay
Bulak nga talagsaon
Sa mga estorya may sugilanon
Huni sa gugma gipabati
Aron ang tanan mamati
Kay adlaw karon sa kasingkasing
Ang uban walay nangulitawo nga nanampiling
By Genamos_US of Washington DC, USA
Dili kini panahon sa tingtugnaw
Ang mga tinanom kung rosas nahanaw
Kay didto ko sa yuta gibutang
Basin naay nagbalhin sa ka-ang
Panahon karon sa pagpamulak sa mga rosas
Nagkadaiya ang ilang mga kolor sa walay kupas
Nindot nga mga talan-awon
Sa halayo buot kining duawon
Ang mga idlas nga mga bulak
Ning turok nga nagsubwak
Kay didto sa bungtod nagpauraray
Aron ang tanan walay magmahay
Ang mga managhigugmaay nikuray
Kay sa hinatag nga rosas sila nalipay
Bulak nga talagsaon
Sa mga estorya may sugilanon
Huni sa gugma gipabati
Aron ang tanan mamati
Kay adlaw karon sa kasingkasing
Ang uban walay nangulitawo nga nanampiling
nindot
sakto ka
nindot
saktos bulok
og barog
kabalong moabre
ang mga bintana
og kamaong manira
ang pultahan
sa saktong panahon
daghang mohangad
aron molantaw
apan sa kadugayon
sa higayon
diin nabati ang mga
pung
hingpit na unta
apan kuwang
sa unod
nindot apan
huyang
saktog barog
apan
hungaw
ayaw paghandom
sa hingpit
kay diha ka
mapilit
nindot
saktos bulok
og barog
kabalong moabre
ang mga bintana
og kamaong manira
ang pultahan
sa saktong panahon
daghang mohangad
aron molantaw
apan sa kadugayon
sa higayon
diin nabati ang mga
pung
hingpit na unta
apan kuwang
sa unod
nindot apan
huyang
saktog barog
apan
hungaw
ayaw paghandom
sa hingpit
kay diha ka
mapilit
ang worrier
matag adlaw
nanampiling
nagproblema sa
mahitabo sa iyang
kwarta
nagduda nga
gilimbongan siya
nagplano nga
magpataas sa iyang
pader
padugangan ang
security
og makigkita
sa iyang mga abogado
kay duna na usay
paylan og kaso
sa tinood lang
di ko ganahan
aning tawhana
kapoy
ikaestorya!
nanampiling
nagproblema sa
mahitabo sa iyang
kwarta
nagduda nga
gilimbongan siya
nagplano nga
magpataas sa iyang
pader
padugangan ang
security
og makigkita
sa iyang mga abogado
kay duna na usay
paylan og kaso
sa tinood lang
di ko ganahan
aning tawhana
kapoy
ikaestorya!
ang akaong bag-ong avatar
sulayi kuno og pangita
kon unsa ang naa sa likod sa bangas
ang sud sa baba
ang gitabonan sa
sunglass
ang unahan sa gadangas
nga agtang
ang gitabonan sa itom
kaayong buhok
ang sulod sa akong
utok....
dili pa hinog ang panahon
mahibaw-an mo kana
sa dagan sa panahon
walay dala alang kanimo
bisag usa lamang ka buwak
sa aswete
apan ayaw kabalaka
hangad lang gihapon sa langit
og diha sa panganod makita mo
ang iyang mga larawan
nga naghandon gihapon
kanimo
hangad lang
og kon ugaling ang ihatod kanimo
mao lamang ang ulan
ayaw lang gihanpon kabalaka
hunahunaa nga
pinaagi niini
nawala ang mga dag-om
nga oran-oran mopuli
ang kahayag sa adlaw
og ang maanindot nga bangaw
nga nagsumpay sa
duha ka lagyong mga bungtod
hangad lang
laomi ang langit
ayaw og tan-aw sa lapok nga dalan
og diha sa tumang kangitngit
sa langit
sa imong kagabhion
pangitaa lang gayod gihapon
ang matood mong
bitoon....
si bart nakat-on og binisaya
og ang iyang
unang nahibaw-an nga
expression mao kini:
"nawong mo
lubot ko ra!"
nanaghan na sab
ang mga barts sa pilipinas
di papiri
duna'y dignity
di palupig
kay og si nora aunor
pa:
"my brother is not
a pig!"
unang nahibaw-an nga
expression mao kini:
"nawong mo
lubot ko ra!"
nanaghan na sab
ang mga barts sa pilipinas
di papiri
duna'y dignity
di palupig
kay og si nora aunor
pa:
"my brother is not
a pig!"
ang brayt nga iring
kamaong motago
ang kabrayt sa iring diha
sa iyang
pagpakahilom
nagtindog lang
unya ang mata
nga sipat
morag plaslayt diha
sa kahayag
ang kabrayt sa iring diha
sa iyang
pagpakahilom
nagtindog lang
unya ang mata
nga sipat
morag plaslayt diha
sa kahayag
pagkdaghang pinocchios didto sa party
nagpatas-anay og mga
ilong ang
mga nagsosyalan didto
sa party ni Sarah
abi nako og
usa ray pinocchio
haskang daghana man diay...
Buhata ang tinood
Buhata ang tinood
By Genamos_US of Washington DC, USA
Buhata ang tinood
Ang gibati ko nag-aginod
Sa akong ngabil
Mga pulong daghang pasangil
Dili ko makahukom
Sa hunahuna dili haum
Bisag unsay isulti
Dughan ko nasikwati
Nagkadaiya nga hunahuna
Sa mga panglantaw nagpakabana
Dili unta kini dugayon
Ang taak dali nga subayon
Ang maayong higala
Tinarong ang kawsa
Aron sa pagtabang
Sa tim-os nga hinabang
Busa paminawa
Karong panahona
Ang adlaw nagkatawa
Kay sa gugma nagkahiusa
By Genamos_US of Washington DC, USA
Buhata ang tinood
Ang gibati ko nag-aginod
Sa akong ngabil
Mga pulong daghang pasangil
Dili ko makahukom
Sa hunahuna dili haum
Bisag unsay isulti
Dughan ko nasikwati
Nagkadaiya nga hunahuna
Sa mga panglantaw nagpakabana
Dili unta kini dugayon
Ang taak dali nga subayon
Ang maayong higala
Tinarong ang kawsa
Aron sa pagtabang
Sa tim-os nga hinabang
Busa paminawa
Karong panahona
Ang adlaw nagkatawa
Kay sa gugma nagkahiusa
12/16/2010
Dili Ko Masabtan
Dili ko Masabtan
By Genamos_US of Washington DC, USA
Ang tanan napugos sa pagpakisayod
Sa mga kalisdanan nga akong giguyod
Dili ko buot unta hilabtan ang pag-ugkat
Sa mga panghitabo nga ako nakurat
Kon dakong buhi pa gyud tong pagbati
Ang pagbuot sa akong dughan nagpamati
Lisud tubagon kining kahimtang
Kay ang gugma nikalit man lang pagka-amang
Wala ko masayod kung asa ako mosulod
Kay sa kalibug ako gibanlas sa mga balud
Kung asa kini idunggo
Kining kasingkasing ko nagsubo
Wala koy laing dalan nga paingnan
Kung dili lamang sa langit akong kadangpan
Ang kahayag sa akong pangutana ako nang nakaplagan
Kay ang gugma sa Diyos maoy diay tubag sa kahangturan
Ug dinhi nikunsad ang kamatuoran
Ang tinood nga tumong sa kalibutan
Ang gahum sa hunahuna may utlanan
Kung ang suliran dili ko masabtan
By Genamos_US of Washington DC, USA
Ang tanan napugos sa pagpakisayod
Sa mga kalisdanan nga akong giguyod
Dili ko buot unta hilabtan ang pag-ugkat
Sa mga panghitabo nga ako nakurat
Kon dakong buhi pa gyud tong pagbati
Ang pagbuot sa akong dughan nagpamati
Lisud tubagon kining kahimtang
Kay ang gugma nikalit man lang pagka-amang
Wala ko masayod kung asa ako mosulod
Kay sa kalibug ako gibanlas sa mga balud
Kung asa kini idunggo
Kining kasingkasing ko nagsubo
Wala koy laing dalan nga paingnan
Kung dili lamang sa langit akong kadangpan
Ang kahayag sa akong pangutana ako nang nakaplagan
Kay ang gugma sa Diyos maoy diay tubag sa kahangturan
Ug dinhi nikunsad ang kamatuoran
Ang tinood nga tumong sa kalibutan
Ang gahum sa hunahuna may utlanan
Kung ang suliran dili ko masabtan
Ikaw
Ikaw
By Genamos_US of Washington DC, USA
Ikaw ang makahatag kanako og kalipay
Kung ang akong kalibutan naputos sa biay-biay
Ikaw ang tingog sa sayong kabuntagon
Nga nagpukaw sa akong katulogon
Sa matag tam-is nimong nga pahiyum
Ang kalibutan ko naputos sa katahum
Ikaw ang tingog sa kahilum
Nga naghatag og kosug sa akong paglaum
Ikaw ang nag-inusara kung pagbati
Nga kining gugma sama kalid-on sa bahi
Nga may bili nga handumon
Sa kalipay nindot tagamtamon
Pasaylo-a ko usahay malitok ang kagahapon
Nga kining dughan ko usahay naulipon
Sa mga suliran ug pagsuway gihagit
Nga kanimo dili unta idalit
Kining tanan akong gibuhat
Sa pagpanalipod sa gugma naghulat
Ikaw ang akong kasingkasing
Sa kalibutan ko nagtuyok murag kasing
By Genamos_US of Washington DC, USA
Ikaw ang makahatag kanako og kalipay
Kung ang akong kalibutan naputos sa biay-biay
Ikaw ang tingog sa sayong kabuntagon
Nga nagpukaw sa akong katulogon
Sa matag tam-is nimong nga pahiyum
Ang kalibutan ko naputos sa katahum
Ikaw ang tingog sa kahilum
Nga naghatag og kosug sa akong paglaum
Ikaw ang nag-inusara kung pagbati
Nga kining gugma sama kalid-on sa bahi
Nga may bili nga handumon
Sa kalipay nindot tagamtamon
Pasaylo-a ko usahay malitok ang kagahapon
Nga kining dughan ko usahay naulipon
Sa mga suliran ug pagsuway gihagit
Nga kanimo dili unta idalit
Kining tanan akong gibuhat
Sa pagpanalipod sa gugma naghulat
Ikaw ang akong kasingkasing
Sa kalibutan ko nagtuyok murag kasing
Subscribe to:
Posts
(
Atom
)