Ang Saluyot (Jute leaves)
By Genamos_US of Washington DC, USA
Tanom nga napuno sa mga bitamina, mineralis og uban pa
Dahon nga lunhaw aron sa pagpalab-as sa atong panan-aw
Nga miturok palibot sa gipuy-an kung lagkaw
Didto sa bukid nga akong gipuy-an
Gikagubtan sa mga katawhan
Pagkalami gayud kung isagol kini sa sud-an
Aron malipay ang sinugba kung tinap-anan
Sigun sa akong mga katigulangan
Dugay nga kining gikahinaman
Kay dali ra kining makit-an og mapuslan
Daghan nagpamatu-od nga naayo sa ilang kalisod
Sa sakit sa panglawas gipanghapyod
Dili sila makatuo kung unsay nakaayo
Apan sa tinood diay kadtong saluyot nga sila gihaylo
Walay tiaw kining mga kamatuoran
Nga gipangsilhig ang mga sakit sa balatian
Sakit sa kasingkasing, cancer, diabetes o hypertension
Ug uban pang mga medical nga kondisyon
Busa ayaw kalimot sa pag andam kanunay og saluyot
Nga kanunay isagul sa regular nilang mga diyeta
Sama sa tinuwa nga pasayan ug gukita
Nga binakbakan sa kamatis, okra og luy-a
Pagkakalas ug kan-on bahaw
Kay ang dahon sa saluyot gisawsaw
Sa limonsito nga gipahungaw
Apilan sa paghigup sa tam-is nga sabaw
kalami jud sa saluyot oi.
ReplyDeletemananom na ta og daghang saluyot sa nataran
tambal sab sa sampot nga sapyot
ang mga dahon sa saluyot. ha ha
hehehe..usa sab diay ni tambal sa mga sapsap ug mga lubot kay nahubsan diay sa kalipay.Shalan man ni undong..kadaghan diay ni kagamitan aning saluyot..kung sa vulcanizing ni sa tawo nga na flat-tan ug lubot...hehehehe
ReplyDeletepwede pod ning saluyot sa
ReplyDeletecut and paste....
patapot ba, kay medyo pilit pilit man.
bitaw gen (amos) padayon sa pagmugna
kay nindot ang imong mga balak.
sige ko basa.
Daghang salamat undong rsb ang paghatag kanako ug kadasig sa pagpadayon sa pagsulat og mga balak ug pag-uban sa akong mga sinulat.Akong ipadayon aron malipay kitang tanan.
ReplyDeletemainit nga pag-abi-abi kanimo Genamos (o Gen Amos?)padayon sa pagmugna og makagitik nga balak nga dulot gayud bisan sa mga kubalan og lapalapa.
ReplyDeleteHehehe,salamat inday Candice sa pagsubay usab sa mga sinulat kung balak.Nanghinaot ko inday ug undo nga kini makahatag kanato ug giya ug tumong ning atong kinabuhi. Sa mga matag pulong ug pagbati sa mga balak nga kini gihalad ug kini sa kaninyo nga magdala og kadasig ug kalingawan samtang naglakaw sa nagduhiraw nga kinabuhi.
ReplyDelete