2009/08/05

bulahan ang magpaubos

bulahan ang
magpaubos

kadtong imong gikasab-an
nga wala motingog
kadtong imong giinsulto
nga wala mobalos
kadtong imong gisipa
nga natikay-ang og
wala kabangon
kadtong imong giyatakan
og nagpatara lamang

bulahan siya
kay iya na ang imong kalipay

bulahan ang magpaubos
kay iyang nakita
ang mga bato nga bulawan
nga imo lang gilud-an

pagkabulahan gayod sa
nagpaubos
kay siya lang ang hatagan
og luna diha
sa langit

og ikaw nga mapahitas-on
mahulog sama sa usa ka bitoon


Panginhas dire