Dili sa ingon nga tungod ani natapos
na ang kasakit.
Wa maglumpayat ang lawak
dihang siya midalikyat.
Gawasnon ang iyang mga pulong
ug milalin na
ang mga minugnang
sunanoy.
Way-timik ang mga isla,
nahikatulog na ang dagat
bisan ang hangin
dili mapinugsanon
sa way kapuslanan nga
gugma nga alang kaniyang
inumol lang sa
hunahuna
Dili angay nga ikabasol.
Ang way katapusang
pagpanaw gisugdan ko
sa wa pa siya.
sa akong pagpangadto,
mibalik ang iyang mga lakang
paingon sa naandan.
.
