6/30/2010

ang mga pagbati
wala mawagtang
ang panahon kamaong
mohapnig niini
sa karaang kaban

gisirad-an kini silang
tanan sa paghikalimot

apan pag-abot sa
pagsukmat
ablihan kini sa
mga kamot sa
talidhay

imong simhoton
hagkan og manamin ka
og imong isukodsukod
sa imong abaga

og tood man
dili na kini maigo
dili mo na masirado ang
mga butones

nga kon ug imong pugson
pagsuot og balik
kini gayod magisi

No comments :

Post a Comment

Lami ba?