Sa dihang wala nimo nadawat
ang akong suwat, nangluod,
nidangoyngoy ang buwan
sa pusod sa kagabhion.
Ang mga titik sa kong suwat
nanggubat didto sa kalasangan
sa imong lawas, dala
ang mga hinagibang halok ug kagus.
Ug didto, gihibalag nila
ang matag pulgada atong yutaa,
ang mga punoan, mga buwak,
ug ang nag-agay nga suba
hangtud nagduggan ko
ang agungoy sa irong uwagan.
No comments :
Post a Comment
Lami ba?