2010/07/06

nauwat mo na usab kami
sa imong gipanulti
nadalahig ming duha
sa imong pagpakaaron-ingnon
nga ikaw nahiubos
nga ikaw gisalikway og
gidaogdaog
nakasumpay mi
og di mao
sama sa pagpanaway sa
imong kaatbang
sama sa pagpasalig nga
tabangan ka namo
sa usa ka panimalos

nalit-ag mi nimo
nasulod mi sa imong bulsa
misakay mi sa imong sakayan
nga buslot og
imo kaming gihulog sa lawod
gituklod og kalit
og wala kami makabantay

pagkabuang gyod namo nga mitoo kanimo
(sayod kami nga duro nimong agik-ik
og katawa karon nga ikaw na lang usa
sa imong gitagoan)

apan ok lang gihapon
kabalo pa ming duha nga molangoy
balik sa tampi
sa usa ka bag-ong pagtoo
kamao pa kaming mobangon
gikan sa dagkong balod

ayaw kabalaka
bisan pa sa tanan
wala kanamo ang pagpanimalos
bisan gani ang pagsukmat
kay amo ka gihapon nga
gitahod.

No comments :

Post a Comment

Nindot ba? Unsay imong maikasulti?

Panginhas dire