7/03/2010

talan-awon

pagkakalma sa
panahon

nanambo ko
sa bintana

puti ang langit
hinay ang hangin

asul ang dagat
morag seda nga panapton

sa unahan
adunay tulo ka mananagat
sakay sa sakayan

nagturong og
pula nga panapton
samtang nagbira
sa pukot

sa daplin sa baybayon
nakigdula ang bata nga lalaki

nakig-unot sa iyang iro nga pution
nga putol og ikog ug tangkag og dunggan

pagkahapsay sa mga balas sa baybayon!
pagkaanindot pagkalami sa kinabuhi!

No comments :

Post a Comment

Lami ba?