2010/07/18

HARDIN

Ang mga dahon
mihunghong sa sanga
ang sanga mihatod
sa gihunghong didto
sa mga udlot og
miabot ang unod
sa hunghong
sa bayuos

og mibukhad ang
puti nga bulak

sa ubos ang mga gamot
walay tingog nga
mikulitog sa yuta

init ang kalawmon
og ang yuta ginanoy sa
mga kuyamoy
sa kahoy

sa ibabaw ang panganod
gitaban sa hangin
ang adlaw mikihat
sa buwak nga
mikiat

No comments :

Post a Comment

Nindot ba? Unsay imong maikasulti?

Panginhas dire