2013/03/11

sila nga walay puangod sa pagdaot kanimo

ang tanan
fernando, 
makalimtan

labi na ang mga
maayo
mong binuhatan

ang imong ngalan
kaniadto nga
ilang gipatik sa
dakong bato

karon usa na lamang
ka
hanap nga wiris
wiris
sa mga abog nga
bag-o lang
miabot unya gipalid
lang pod dayon
sa hangin sa
kahaponon

usahay
ang makahiubos mao
nga ang
ginagmay mong sipyat
sa kaniadto nga
buhi ka pa
mao man hinoon ang ilang
daginoton

unya ila kining gipaborot
sama sa usa
ka balloon.

No comments :

Post a Comment

Nindot ba? Unsay imong maikasulti?

Panginhas dire