11/26/2013

ang naandan

naandan ko na baya ang
pag-inosara

nahimo ko na kanang
kalipay

kanang maabtan sa
ulan ug dayog sayaw

kanang mabulad sa init
ug dayog awit

kanang ako ra sa lawak
ug dayog pista sa akong kahilom

kanang makamata sa kaadlawon
ug dayog lupad sa imahinasyon

kanang mabuntagan
unya sukad sa bugnaw nga pamahaw

kanang manghilam-os
mag-ilis, magpahumot
manudlay

unya walay klaro kon
molakaw ba o modagan

kon magpuyo lang
diha sa kilid sa bintana

ug manglantaw sa tanang
mga lumalabay

No comments :

Post a Comment

Lami ba?