2013/11/12

ALANG SA TUBIG, UG SA UBAN PANG MGA TABANG



daghang mahimo
ang mga kalooy

mas daghan pog
mahatag ang mga pangadye

makatabang pod ang
mga tawag, ang mga pangumusta
ang mga pulong sa pagdasig
sama sa

tacloban bangon
roxas apas

moingon ang usa
dugangan pa ang pag-ampo

moingon ang uban
na tan-awa wa man god
kamo magbasol sa inyong
mga kasal-anan

gisilotan lang
ang mga nagkulang

sa tinood lang
kapoy ug pamati sa mga pulong
(apil na ang sa mga pag-ampo
ayawg kasuko...)

kay diha sa tilaok nga giuhaw
tubig lang unta ang ibugtaw
sa tiyang gigutom
kan-on lang ang iayom-ayom

ang mga pulong mag-unsa man
kon layo lang gihapon ang gipuy-an
sa atong binuhatan?

No comments :

Post a Comment

Nindot ba? Unsay imong maikasulti?

Panginhas dire