3/21/2017

ang akong gilantaw

gilantaw nako ang
wala nimo mahibaw-i
sa kilid sa lamesa
samtang hinay natong
gihigop ang kape samtang
namati kita sa mga balita
karong buntaga
kabahin sa mga patay
kabahin sa wala pa nasakpi
kabahin sa mga layo kanato
kabahin sa 
makakutaw sa atong mga
kahingaw, kahadlok, kabalaka,
samtang gipapalong na nato
ang suga sa kusina
kay hayag na ang adlaw
sa gawas sa bentana

No comments :

Post a Comment

Lami ba?