3/02/2017

hoy tawong balaknon, (alang kang dario)

mas malipayon kuno ang
mga bato kay walay gibati

mas malipayon ang mga
kahoy kay walay pagbati

hoy tawo nga balaknon
giunsa mo ba pagkasayod?

kanus-a ka lang nahimong
kahoy o kaha ba bato?

niadtong nagmalipayon ka
bato ka ba o kahoy?

mas kuratanon ang tawong
buhi, mas masulub-on ang

tawong naghunahuna, hoy
tawo, wa ka pa ba nausab?

No comments :

Post a Comment

Lami ba?