3/14/2017

diha ta magkasinabot

lahi ang kalipay sa
kabaw
lahi sab ang sa langaw

palihog ayaw ug
katawa
palihog ayaw siya
suraha

lahi ang kalipay sa
tamsi
ug sa uwak
bisan pareho silang
pak-an

bisan gani ang itom
nga uwak aduna may
tinagoan nga
kaanyag nga wala
sa uban
diha sa gibantog nga
salampati

lahi ang kalipay diha
sa kahilom
lahi sab ang kalipay diha
sa tumang paghudyaka

adunay dili ikapanugid
adunay iligid-ligid

lahi ka lahi ko 
diha ta magkasinabot

No comments :

Post a Comment

Lami ba?