3/01/2017

nagkinaloy-anay ang nahibilin

unsa ba ang anaa
kanimo
nga akong natilawan

niadtong silang tanan
nanglakaw na
tangag ang tagsa
tagsa ka gugma

unsa ba ang anaa kanako
nga dili mo
mabalibaran bisag
diha lang 
sa usa ka pagtakuban

kadtong nahuman na
ang panagsalo 
sa usa ka lamesa sa
kagabhion

kadtong tagsatagsa na
silag bitbit sa ilang 
saksak sinagol nga
kasakit ug kalipay
palayo na kanato

silong sa bulan ug mga
bitoon
gipalantaw ang 
kahidlaw ug
kalooy

kay ang gugma usahay
dili man gugma
kay ang tinood usahay
dili man god
tinood

nagkinaloy-anay ang
nahibilin
gipiyong ang mga mata
diha sa laing
pagpanirado sa duha
ka ngabil

No comments :

Post a Comment

Lami ba?