kining barotoha karong panahona ako'y magbuot sa tanan asa padulong ug kanus-a

pagkahuman
mausob na gayod ang
tanan

dili na humok ang
imong ilong
nga taraltaralon na 
lang sa
bitad sa kapalaran

kahoy nga migamot
nga mamatay lang kong
putlon

umang nga anaa
hugot ang pagtoo sa
hinulman nga 
balayan

halas nga nagpahipi
sa kabatoon
nga kon dunay masaag
gihapon mapaakan

kining barotoha
karong panahona
ako'y magbuot 
sa tanan
asa padulong ug
kanus-a