8/01/2017

maayong mangitag lutsanan ang nahubog sa kaibog

sa lugar diin
dili nako masulti
ang pulong
naningkamot ang
kasingkasing

kadali lang sa mata
manugilon
wala palupig ang 
kamot
nag-amba ang ngabil

mubo lang kaayo
ang panahon
miabot na ang atong
gisakyan sa iyang
giadtoan

lahi nga kalibotan
ang gipuy-an sa gugma
maayong mangitag
lutsanan ang nahubog
sa kaibog

No comments :

Post a Comment

Lami ba?