sama sa usa ka bata nga naligo sa ulan

bisan gani ako
wala makatoo sa dihang
nabungat ko nga ikaw
akong gihigugma

managlahing kalibotan
dili managsama ang
kalalom sa atong 
kalimutaw

ang ngabil nagkurog
sa kamatooran
morag batang gitugnaw
sa dihang naligo sa
ulan
apan sa laing bahin
nagkisikisi usab kini
sa tumang kalipay

gawasnong mga tiil
nga nagtampisaw sa
usa ka sayaw
mga kamot nga misulay
ug kab-ot sa langit
samtang nagsugod na
usab ang dugdog
sa paghadlok sa mga
kabog