2017/08/01

nasayop ko pasayloa

nasaypan ko ang imong
pagtoo nga ako dili mahimong
mabuhi kon wala ikaw

sa dihang gisirad-an mo na
ang pultahan
wala na ko manuktok pag-usab

mora kog kabayo nga milatas
sa suba midagan miambak sa pangpang
aron lang kaha pagpatinood sa akong
ginadamgo nga duha ka pako

abi sa mga bato ug mao na kadto
ang akong kataposan
nag-andam na man gani ang mokatay
nga balilihan
aron pagtabon sa akong dakong
kasaypanan

nasayop ko pasayloa ikaw man diay
ang dili mabuhi kon wala na ako.

Panginhas dire