2017/08/20

sa kataposan

sa kataposan
giluwa ko ikaw
aron lang nimo
mabalikan ang
tinood mong
pinuy-anan.

sama kanimo
wala ang kahayag
kanako sa dihang
nabutyag na ang
kamatooran.

sa kilomkilom 
kalit nga miabot 
ang alang kanako.
apan bisan pa 
niini, mapasalamaton
gihapon kami kanimo.

kaming nagmingaw
kaming naalimungawan
lamang kon unsa ang
nawong sa bakak batok
sa kasingkasing nga
nagdugo, nga gihapohap
sa kamot nga mainampoon.

Panginhas dire