una lantawon usa nila
kon parehas mog buhok,
dili sila ganahan anang
kulungon, kay samokan
daw na,
dayon pamation nila ang
imong tingog, kanang
medyo bugnaw, unya lalom,
morag naa ka sa sulod
sa atabay,
dayon tutukan nila ang imong
mga mata, kulang na lang
kulitogon, kay lagi kini man
ang bentana sa imong kalag,
gusto nila kadtong haw-ang
kay kuno kana mao ang
kalag nga balaan,
kon makumpleto na nila
ang paganinaw diha kanimo,
ingnon ka nila, dali na, sulod
na, kauban na ka namo, apan
duna pay laing gusto nilang
buhaton, kinahanglang kamao kang
mopakpak,
alang kanila, ikaw na ang
sakop nila.
No comments :
Post a Comment
Lami ba?