niadtong sulod sa lawak
nga napuno na sa mga banggiitan
nagtigi na usab silang tanan
aron tubagon ang pangutana kon
kinsa ang bag-ong hari nila
ning dapita,
gasakit ang akong ulo sa
ilang panagtigi, dunay misirko,
dunay mikaon ug kalayo,
dunay miutong, dunay miginhawa
ug lalom,
maong migawas ko sa maong
lawak, ug didto sa gawas diin
kusog kaayo ang bunok sa ulan
misayaw ko, mikatawa, dayon
milingkod sa bato, namati,
kon unsa ang hunghong sa
usa ka pagbati.
No comments :
Post a Comment
Lami ba?