melancholy

 maghisgot na gani kag

kamingaw

sa tungatunga ning atong

salusalo karon

tungod lagi kay miabot

ang atong suod nga higala

gikan sa sugbo

human sa bente uno ka

adlaw nga kwarintin

ambot ug nakabantay ka

ba nga sila nagpadayon sa

ilang mga bibo nga estorya

nga morag wala makadungog

kanimo

kon duna may kahilom usahay

sa pagpadayon mog pagpadayag

sa imong melancholy nga ug ikaw

pa, part of your system already

kuno,

kana tungod kay matod pa

sa bunguton natong kauban

nga kusog mosala sa beer

kana, matod pa niya,

milabay sa makadyot ang 

atong ginoo,

ambot ug nakabantay ka

ba sa paglirawliraw sa mga mata

ni magda,

nga mora bag miingon 

palihog undangi na kay kami

duna man sab niana

apan wala na namo ambata

kay kana

sa tinood lang

wala gyoy hinungdan

dayog isa ni john john sa

iyang botelya sa tanduay

misyagit ug Tagay tagay!