salamat sa pagsabot
nilalang kong
gikaibgan kay imong
giablihan ang lawak
sa kalipay
misulod ako isip
usa ka estranghero nga
wala na makaila
sa akong kaugalingon
misayaw ako sa tunga
sa ulan sa kalipay
sa lawak diin nawala ang
akong adlaw
mituyok ang akong kalibotan
napalong ang akong kahayag
nagdilaab ang kalayo diha
sa imong dughan
gisuyop ko ang kainit
nagbaga ang akong lawas
diha sa imong lawas
nalilong ako
nabuang...
No comments :
Post a Comment
Lami ba?