gibuhat sa bangaw
ang tulay
ang isla naghimog
kalugo sa dagat
ang sapa gipunduhan
sa luha
ang dagat
hiposanan sa
kahilom
ang pusod niya
tuas kinahiladman
ang mata sa adlaw
milantaw sa yuta
ang aretes nga bulan
nagpaanyag sa
kagabhion
bugnaw ang mga buhok
sa hangin
ang baba sa bukana
usahay sabaan
puti ang paa sa
baybayon
anyil ang langit
dunay mga kamot
ang dalugdog
bangkilan ang
kilat
kukhan ang kahayag
asa na kaha gibutang
ang kasingkasing?
No comments :
Post a Comment
Lami ba?