gipasakay ko nimo sa
sakayan mo nga buslot
gibugsay ko ang akong mga
kamot, gisubay ko ang mapa
sa akong palad,
gipangita ko ang bulawang
kolon sa tumoy sa bangaw
ulan ug init sa panganod nga
walay puangod
gihangad ko ang akong suwang
nga bulan
dag-ig sa kamot sa balaod
puthaw ang posas sa kapalaran
gabok ang mga pagbati
gibukbok ang mga saad
pug-aw ang mga panglantaw
milubad ang mga pangagho
buak ang kasingkasing
sulod sa dughan nga kawayan.
No comments :
Post a Comment
Lami ba?