ang nakaguba sa balay
dili ang iyang itsura
ang bagyo mismo
balay nga nipa dili
mapalid kon wala ang
bagyo
hinoon bisag dunay bagyo
kon ang balay hinimog puthaw
og semento
unsaon ba ang pagkapalid niini?
tuod man, dili tungod sa paninaon
o sa nilihokan ngano nga na-rape
ang maong babaye
kay matod mo si maria clara man
gani na-rape man sa konbento
kiat man o hinhin
kon naay rapist diha
ma-rape gyod
rapist kuno ang hinungdan
sa rape, dili ang na-rape
busa pasagdan na lang ang
mga kigol nga migimaw
ang pusod nga mibudlot
ang liki nga nangliki
ang bugdol nga mibugdol
apan sa laing bahin
nganong maghubo ka man
usab sa simbahan
nga wala man diha ang
kaligoanan?
nganong apikhon man
gyod ang short na kaayo
nga short
nga naa pa may panapton?
nganong magtindog
ka man usab sa tunga sa karsada
nga naa may saktong daplin?
di na nako liboglibogon ang
akong kaugalingon sa mga hinungdan
og sa nagpahinungod
kon unsay nauna ang manok ba
o ang itlog
basta, atimanon ko ang akong
kaugalingon
sugdan nako dinhi
saktong panapot akong gamiton
sa simbahin
lahi sab ang alang sa
basakan.
No comments :
Post a Comment
Lami ba?