nindot ang baybayon
linaw dinhi, lapad sab
walay samok nga lugar
nga nasunod nato sa
atong katigulangan.
didto sa walang dapit
nangaligo ang daghang
pamilya, nga matod mo
morag usa ka tribu.
didto sa toong dapit atua
ang duha ka mga tigulang,
nanglingkod sa silong sa
dakong kahoy, nagpahayahay.
sa tunga, kitang duha,
dugay na usab nga magtiayon
naghandom sa atong kabatan-on
gihabulan ang kapunawpunawan
sa atong gipili nga kahilom
No comments :
Post a Comment
Lami ba?