ang paglihok og pagbalhinbalhin

kon mopondo ka lamang
sa imong gitindogan
daghan ang mahitabo
malabyan ka lamang
og mabiyaan ka
tataw kana sa balaod
sa pagsibog og
pagbalhinbalhin

ayaw og ampo sa kapalaran
pakigduyog sa
kabag-ohan

kon pilion mo nga ikaw mora
lamang og pato
nga galutaw sa usa ka linaw
kaayo nga suba
mamahimo ka lamang
nga puntirya sa ilang mga
pusil
ikaw ang ilang hingpit
nga target

nganong magpalupig ka man
dili ka sama kanila nga
natawong pildihonon
kay ang imong mga ginikanan
kaliwat sa mga haring
gangis sa kagulangan


lakat, dagan, mamahimong mopahulay
panalagsa
mao kana ang atong ngalan

sa akong kabahin
ako nagbalhin-balhin
aron ang akong kahaw-ang
pun-on sa hangin
sarapon ko ang kabugnaw
og isulod ko sa akong ilok
og pus-on
dinha maipon ang
gatipun-og nga
dilaab
sa kalayo sa akong
kaulag

kainit ang akong
habak
kay og wala na kini
unsa pa kahay pulos sa akong
kinabuhi?

ang pag-alili sa mga gabok

sa pag-alili sa mga gabok
kadtong gipangbokbok
nga wa ka masayod kon ngano
og naunsa
og dis-a gikan
dili kalikayan nga tangtangon
gayod ang atop
dayon ang bongbong
og ang mga haligi

abi nimo og gamay lang ang alisdan
kay gamay lang
man god usab ang makitang
bikil

sa kataposan ang tanan jud diay
ang alisdan

mao kana ang pagpabarog sa
kabag-ohan
ayaw na paghunahuna og
paghilo sa mga anay
dugay ra nga sila wala na
ang nahibilin mao na lamang
ang ilang mga iti
og ang galawod nga
kahaw-ang

LAHI ANG SAKIT SA KUTO-KUTO

lahi ang sakit sa
kuto-kuto og sakit sa pus-on

sama kana sa
panaglahi sa imong bag-ong gikaibgan
og sa imong asawa

hunahunaa pag-ayo ang ilang
kalainan
sa dili ka pa mosalom sa dagat.

pagbantay lang niini

kon makita na gani nimo
nga mikiling na ang imong barko
ang tanan
nimong mga bagtok
mokaratil og dagan
ambak
og balhin sa laing barko
nga dili na imo

natural lamang kini
og ang nahitabo kanila nga nahiuna pa kanimo
mao usab ang
mahitabo diha kanimo

usa ka lamang ka hangin nga lumalabay niining
dako kaayong bungtod
busa akong agaw
ayaw gayod panghambog
nga ikaw dili madutlan niaanang
politikal kagaw.

ako ang bakak nga imong gibuhi

sakit paminawon nga
sa pagsugod pa lang
ang tanan nakong gisulat
kabahin sa
kasakit og
kapakyas
gihandom nimo nga kining
tanan
matood

gusto ba nimo nga ako
mismo na ang
malumos sa mga balod
nianang pagsulay?

nalunod ang barko nga
akong gisugid kanimo
og ang tanang mga nanakay
niini
nangamatay


wala ako maapil
ako ang bakak nga nabuhi
gikapungot mo kini
og nagpalayo ka kanako

ang tanan
matood
nahitabo ang akong mga
gihimong sugilanon
ang dugo nga mibanaw sa salog
nangauga
og ang imong nakita mao lamang
ang mantsa
sa usa ka tagok sa caimito
wala na ang langto

nakita mo ang imong kaugalingon
og miiyak ka
nga mora bag imong gihaya ang
karon og ang
imong kagahapon

tagai og lugway ang umaabot
ayaw og too kanako
ang akong mga sugilanon
nahimong matood lamang
tungod kanimo

wala ko damha nga kining tanan
matapos sa usa
ka panagbulag

naglingkod ako sa daplin sa imong labat
dala ang akong usa ka kaban
nga mga laing sugilanon
wala ka na mangambat

og sa akong paglakaw palayo kanimo
sud sa akong dughan
ang akong pasalamat dili na nimo mailhan

ang kamingaw

ang kamingaw
dakog panahon nga
makiglambigit kanato

makigsulti sama sa usa
ka suod nga higala
makigkuyog bisan
og asa
kadulog sa matag gabii
kanunay nga
makasabot
sa atong kaugalingon

nganong mangita pa kita
og laing kauban?
samok na lang hinoon
ang kinabuhi

bugnaw usahay ang kagabhion
diha sa pagtindog sa kilid
sa bintana
apan kanunay na kining
mahitabo og dili na kini
angay pa nga ikatingala

ang kamingaw usahay
maoy atong pultahan
padulong sa kagawasan

sa pagdawat sa iyang mga kamot
dali ra ang paghikalimot
ayaw kabalaka kay sama sa imong
mga ilong og mata
kini siya apil na sa mga parte
sa imong lawas
adunay lawak nga ang sulod hangin
ang tingog
hunghong og ang iyang
kahaw-ang
makapalig-on

hagki siya
og gaksa
kay ikaw og siya
usa ra

pagbangotan

sa kagahi
sa yuta

mibulhot
ang hangin paspas

gikan sa iyang
mga kamot

mitulo ang luha
nahumok ang yuta

miturok ang
usa ka liso

gihandom nako
pag-usob ang

wala na didto
mikagot ang akong mga ngipon

sa dugay nakong tinutok

kining tinagong pagbati
buang

sa dugay nakong tinutok
kanang ako lang
wala siya'y labot
aduna ra gyoy miabot

akong nakita nga gadangas
baya pod ang iyang agtang
og mora kog nahuwasan

nawala ang sakit
og sa dihang mihunong na ang gahaguros
nga sakyanan

minaog ko
dili na sa parehas sa una nga ako nagdali-dali
milantaw ko og balik kanimo
og dayon nakog
pahiyom

wala na, nahuman na usab
ang usa ka panid

sa akong kabuang
kanang gugmang sinug-ang
nga morag saang

dili mapugos ang
gugma

og ang kasilag
kon moabot na
dili pod
kapugngan

gusto unta nakong
kab-oton ang
pasaylo
apan pagkalayo
pa gyod
kaayo

morag katol
nga pinaakan sa pukyutan
hapdos
sakit
dili jud pahikap
dili gani magpakita

ang imong gong gusto
nga ako
mamahimong pareho nimo

nangutana ka sa ilang mga ngalan
og kapila
og asa
og kon nasayod ba siya

mitambag ka
nga bisan sa imong kaugalingon
dili gayod nimo isugid
ang matood

bisan og masakpan
hawid gayod sa saya sa bakakon
tago didto sa ilalom
og dayon hatag nianang pahiyom

pagkahuman

pagkahuman
sa dihang ako nagawsan na
mitalikod ko
og gigakos ko ang akong
mga bukton

wala na'y aso ang akong tabako
og kon imo pa kining
dagkotan

oo lang gihapon
ikaw ang akong sabton

ikaw ang moyupyop
og ako ang mohanggab
sa hinungaw
ning atong gaaso nga kinabuhi

batia ang kahagong
hakpa ang kaisog
tam-osi ang katam-is
kini ang kinabuhi
ayaw panabi

maanad ra ako bisag wala ka na

nabasa ko na ang sulat
sa ibabaw sa katre nga imong gipatong
sa uluhan sa
alugnan

mamahimong magmingaw
ako sa duha
o tulo hangtod
sa unom ka bulan

basin gani og makaiyak pa ko
nga magtutok sa imong
larawan

kadtong mipahiyom ka kanako
og ako nakatilaw og unsa
ang katam-is nga labaw
pa sa asukar

pila pa kaha ka gabii ang
akong antoson sa paglimbalimba?

apan ayaw kabalaka
naa ra gihapo'y utlanan ang kamingaw
pagkahuman niining
gamay nakong pagbangotan

mobalik ra ang akong saktong
panglantaw
madungog ko ra ang
bag-ong hunghong

nga ikaw dili gayod ang angay kanako
og ako
dili angayan nga mabuang
sud sa unom ka bulan

karong gabhiona
taposon ko na ang tanan
katulgan ko kining akong kaguol
ugma magsugod na usab ako
sa usa ka
bag-ong kabuntagon

ala una

wa ka lang masayod
sa maong oras
diin ang kamingaw
mibangon gikan sa usa
ka hinanok

misaka pataas nga morag
aso gikan
sa daob diha sa dapog

ngitngit kaayo
og bisag asa na lang padulong

ang mga garay ni inday gasa

pastilan gyud nakong lingawa
usa ka kulbahinam nga blog
ginama sa usa ka bata

apan balo lang
ug nasayod ba kaha niini ang papa
mga garay niya pwerting labuha

mga unod pwerting tinuora
labaw pas bulawan o
gilak sa dyamante sa kalangitan

wala ko kaila niya
apan ngalan niya inday gasa
matuod nga gasa

hinuot inyong dawaton siya
ug buligan sa iyang
paglingaw sa atong mga mata

paghupay, pakatawa
sa iyang paagi isip usa ka bata
tingog nga angayang nimong masuta

pamatud-i unya
ug bisitaha sa blog niyang gama
http://gasapinky.blogspot.com/

Mamasura, hayko!

Nagsakit ang bukobuko
sa tibouk hapon pagkayod.

Lakip ang tangkugo hapit
nabaliko sa punayng duko.

Napaig sa kainit ang panit
na itomon na daan.

Daw himungaan sa nataran,
kaykay, tuktok ngari'g dito.

Pili sa plastik,
karton ug lata,
lakip na bildong buak.

Apil pa ang balde'g
kalderong busloton,
botelya'g grapa.

Nangyawat makakwarta
bisa'g gamay,
para palit bugas.

Maayo unta kung makasobra,
para may mapalit pa.

Bisan lang ang sud-an kinaham,
sardinas,buwad ug monggos.

Lipay na kaayo si undo'g inday
kung may madala sad na pan.

Maayo na lang matimo,
maghulat makaluto.

Para matambalan ang gutom
nabatyagan sa tiyan.


-sakagawasan

Ang Dalang Way Padulngan

       A
      n
     g
      D
       a
       l
       a
          n
           g
<<=THIS WAY=>>
            P
           a
          d
           u
           l
            n
             g
              a
              n


-sakagawasan

unsaon man

Wala nay umoy

Wa nay gahum si manoy

Di na kalangoy

Karon si manang

Tawn mobalibad na lang

Di na pa-ang-ang

ang pagpangandam sa kamatayon

nabati ko ang kahapdos sa kasing kasing
sa matag tuyok sa akong hunahuna diha kanimo
nganong ikaw pa ang natanom ning pag-inusara

buot kung mulinkawas, mamuhi apan
nasayod kung kamatayon ko lang ang mahimong bugti
kung mahilayo sa tubig ug hangin nga gipahulaman mo maka-usa

naanad na ako, nahimo ko na kining kabahin sa akong pagkatawo
apan unsay mahimo niining ulipon kung imo na kining bawion
bisan malisod giandam ko na ang akong kaugalingon

Cartel Corleon has invited you to join Friendster

You're Invited You're invited to join Cartel Corleon's network of friends. By joining Friendster, you can reconnect with old friends, meet new friends, start a blog, build a custom profile, keep track of birthdays, and so much more! You can even stay in touch if you move away, switch email addresses, or lose your mobile phone. Join Cartel's Network Friendster members you may know... Cartel

Copyright 2002-2009 Friendster, Inc. All rights reserved. U.S. Patent No. 7,069,308, 7,117,254, 7,188,153, 7,451,161 & 7,478,078 800 W. El Camino Real, Suite 170, Mountain View, CA 94040, USA Privacy Policy | Unsubscribe | Terms of Service

karsada

Karsada -
Sementadong agianan
Niining Siyudad.

Daghang mag-agi-agi
Paingon didto paingon diri
May molabang, mourong
Mopaubay, mopa-atbang.

Samtang ako
Ania sa Eskina
Namasin nga moagi
Ang buotang Propeta.

Karsada
Sementadong dalan
Niining Siyudad.

Iway Kamo

Ako nangita
Sa Propeta nga way dila
Aron maminaw
Sa Iyang mga pagtulon-an

Wala ako moanhi
Aron mamati
Sa inyong mga wali -

Mga pari'ng way U'o !


Palihog
Iway kamo
Ug
Pasagdi Ako.

KRISTO-ZEN (HAIKUS)

Walay butang nga makaikyas
Sa panan-aw sa taw'ng buta.

Nadungog na sa taw'ng bungol
Ang tanang tingog sa palibot.

Gibutyag na ang tanang kamatuoran
Sa taw'ng hilumon.

Alang sa wa pa makasabot
Hunonga na ang pagtuki.

Ang dalan
Ang kamatuoran
Ang kinabuhi
Imoha.

Ingon nga Ikaw Iyaha
Kamong duha nagkahiusa.

ako ug ang balak

Kaniadto
Daan na akong buot magpaila
Apan gidaug sa kauwaw
Busa nagpahipi lang sa tago
Luyo sa pagpakahilum

Karon
Gibuntog ko na ang kauwaw
Ako ania na nagpaila
Samtang nagpahipi sa tago
Luyo ning balak

sa ibabaw, ang inidoro murag psychedelic sunny side-up

Ang Iloy

Siling nila ang ilo'y
amo ang suga sa isa ka panimalay
Nagahatag pirmi sang maayo nga
buwas damlag para sa iya mga pinalangga.
Nagaulikid kag nagagiya sang iya
pamilya ilabi na gid sang iya kabataan.
Biskan ano pa ang mag-abot
sa iya puloy-an
siya nagapabilin nga mabakod
wala kabatyag sang kakapoy
sang mga ulobrahon sa sulod
sang panimalay kag nagapadayon
sa pagtudlo sang iya mga bata
sang maayo nga batasan agud
indi sila mapaslawan.

(balak alang sa mga inahan)

kulbahinam

di na gyod
kapugngnan ang pagbuhagay
sa kahinam tang hilabihan

ato na lang
gayod kining itahan
sa agos sa kalami

apan unsa
na man lang
kahay dangatan

kon dungan nang mokanaw
atong duha ka pagbati
ngadto sa kapunawan

Apan magpabilin
kitang mag-gakos
tungod kay gihidhiran

diay sa tago
og duga sa pawikan
king himan ko sa himaya?

niining tungora
hingpit na tingali gayod
natong makab-ot

Ang kaniadto pa
natong pangandoy
nga mag-uban sa kahangturan

Sa diha unyang
mangamatay ta
sa kauwaw.

ang suba sa himaya

gamay lang kaayong sakayan
ang mohatod kanato didto sa suba sa himaya
igo-igo rang maigo
ang duha ta ka kasingkasing
ayaw na paghunahuna og bugsay
og timon
kay ang sulog sa suba paingon sa himaya
kusog
walay kahawiran
ato rang dunggan

Ang Katunggan Sa Borbon

Pagka-anindot nga sud-ongon sa kahoy’ng lapis-lapis
Sa iyang gitas-on siya mapasigarbohon
Diin daplin sa baybayon sa tanang kahoy’ng mabiay-biayon .

Panahon miabot, mipasipa kaniya
Hangin nga makusog, ulan nga masubra
Mikuso-kuso sa baybayon, ug sa mga kahoy mi-uyda
Unos nga masilagon, sa kapungot nagdala
Kabangis sa panahon, mipukan kaniya.

Bunga sa lapis-lapis sa balod gianod
Halapad nga kadagatan, latas sa dakong lawod
Padulngan unsa’y dangatan, wala siya masayod
Kalinaw sa panahon, maoy bugtong manalipod.

Bunga sa lapis-lapis sa halayong baybayon midagsa
Maampingong mga balud kaniya mipahiluna
Miturok ug nabuhi sa maabi-abihong luna
Midako ug milabong, sa yuta ug ubang kahoy gipangga .

Lapis-lapis ikaw karon, ang kinaiyahan nagmaampingon
Sa uban mong mga kahoy ikaw mapa-ubsanon
Sa gagmay mong mga bunga ikaw maki-angayon
Luyo sa kasakit, ikaw magmalampuson.
Sa tanang mga taga BORBON,
Sama kita sa lapis-lapis nga gipadpad sa kinaiyahan
Kay ang atong pangagamhanan wala nila igsapayan,
Kon unsa ang dangatan sa atong mga katunggan
Kon dili nato tamnan og prinsipyo nga gipadangat
sa atong mga kabatan-onan.

ang baki

ang baki nga dakong buhi
iyang gidakop kay giganahan siyang
mohikap anang baki nga magkokakkokak
sa iyang lamesa
og toud man
iyang giplastar ang baki nga buhi nga mikokakkokak
sa iyang lamesa og
nag-amag ang mga mata
nga iyang gihinayhinayan og
dissect

gikuha ang skin
gitagsa tagsa og remove ang muscles
og bones
og giayog compare sa book ang iyang
nervous og circulatory system

kasakit sa feeling sa baki
nga gitusok ang backbone
para wala na kunoy pain

sigig pahid sa dugo og
(luha sa baki nga nagcrycry na intawon)

buhi pa gihapon ang baki
samtang ang maong tawo nagsigig
tukituki
dukiduki
kutikuti
ukit-ukit

og ako nga naglantaw,
nakaiyak sa kalooy.

mao kana ang nahitabo
sa imong balak
og kanimo.

nasuko si papa

kay sa dihang gipahimo ko niya og silya
toud man mekuha kos lansang og martelyo
og tugas nga kahoy
og sorotso
og gapataka baya kog gabasgabas
bisan asa
og pataka kog lansanglansang
og dukdokdukdok
og kalooy sa dios
ang buktot nahiyos

bitaw ang akong silya
morag karitilya
og si papa
nasayangan sa tugas nga kahoy niya
mahal ra ba niya ang tugas niya nga iyang gipanag-iya
kwidaw ka
kay iyang gidukol akong ulo niya
ya ya ya ya ya.

nalisang si candice

nalisang si candice
sa pag-dissect sa mga poems
gamit ang
ka-honed ni adonis

nalooy kong gahunahuna
nga ang iyang feeling kuno
mora na lang siya og muta

nga silang mga honed
na tua na sa habog kaayong
pedestal og siya
nga gusto ra untang
malipay sa balak
naunsa bang
nalisang na man hinoon
og dayon og surrender
didtos daplin
og miingon

nga magpaabot na lang kuno
siya sa iyang
panahon

hayy, sahay, ang balak
dili angay nga kalisangan
mora ra kinig dulaan
og kitang mga bata
nagbitad bitad lang sa
taraktarak

wa ko kahinumdum
nga nag-ihap kos akong mga silaba
sa dihang
nagdula kog takyan

(og jackstone hmmm)

og wa kong kalimot nga sa
dihang nagdakpanay mi
ni epat og ni imyat
wala man mi maghisgot anang
tugma tugma
og rima rima

yes, kadtong syatong
nga utong-utong
syagit lang man og shaaaaatoonnng!
enjoy lang man
walay kuankuan

candice ang importanti mau kini
sulat sulat lang god
que se hoda, que ver?

duladula lang ning ato
kon madam-ag hmmm mas lami
kon ma-step, di usob na pod
kon madakpan, di taya.

kulitog a dalunggan

kining ako
kulitog ra dawunggan
balahibo sa manok
nanilhig og atuli

lalom ra para nako
ang pusod
og lami ra pod
kaayo ang
ubos sa
pus-on

kining ako
kulitog kulitog ra god
kanang
makapangutana kog

abot na ba?

gipakyaw na ni pacquiao

1gi2pak3yaw 4na 5ni 6pac7quiao
8si 9hat10ton 11sa 12ka13u14law 15nag16ba17ton

1sen2ryu

1na2wong 3mo
4lu5bot 6ko 7ra
8if 9 i 10know 11pa
12i 13will 14ne15ver 16ga17yod

si misyot

1si 2mis3yot
4mi5ku6ot 7sa 8i9yang 10lu11bot
12da13yon 14ni15yag 16sim17hot

sinsilyo

usa ka dako

duha ka dako

di kapalit tabako

LUTAW PANGANOD LUTAW

Lutaw panganod lutaw
Padayon sa pag-utaw-utaw
Sakay panganod sakay
Sigeha ang pag-ubay-ubay


Subay subay subay
Lagbas ning kawanangan
Bulahang mugna sa kahitas-an
Walay pagtukol walay paglihay


Walay pagtu-aw
Luwas sa tanang pagbugtaw
Huyop ug bul-og sa hangin
Buot lag dad-on mosugot lag ibilin


Maguba man ang imong bayhon
Gun-ubon ka man o bungkagon
Masinugtanon ikawng motipon
Sa ubang panganod nga sama mo gihapon


Lutaw panganod Lutaw
Padayon sa pag-utaw-utaw

ako kana

ayaw tumpaga
kanang pinundok nga balas
daplin sa baybayon
kay ako kanang palasyo

ayaw papasa
ang mga kinuriskuris nga lapis
sa nawong sa bulsita
kay ako kanang palasyo

ayaw gub-a
ang payag-payag nga ginama
sa mga kagingking ug langkay
kay ako kanang palasyo

pasagdi ako nga maglukdo
ug dakong panganod ning gamay kong ulo
nia dinhi ang suga nga mag-iwag kanako
paingon sa akong palasyo

Suga
panganod
palasyo
dugtong sa akong pagkaako.

Busa tahura
ug ayaw pasipad-i.

Panaw sa Kaamgohan

Kalag nahisalaag
Mibulag sa iyang salag
Mipas-an ug balabag
Kay ni Bathala moalagad

Iyang gikahibalag
Usa ka binuhat nagbaragbarag
Sa dalan kini mibabag
Nagpakiluoy nangitag abag

Unya
Gisugdan nila pagbadbad
Kahulogan ilang gihubad
Sa ilang saput sila naghubo
Aron matino matuod nga baho

Ug
Sa ilang pagpadayon
Misanag ang kahimatngon
Makab-ot lang ang himaya
Kung sa kaugalingon sila mobiya

Karon
Sa Ilang pag-uban-uban
Subay sa mangiub nga dalan
Ilang nasabtan ug nasinati
Pagkahiusa dili gayod malugti.

mas lami gayod balikbalikan ang gidili

sarang lamia gayod ang gidili
maong siging gibalikbalikan
sagol ang kahadlok og kahinam
naa ang pagtan-aw sa orasan
ang pagtantiya sa saktong pag-abot
og ang pagpahawa
gianinaw ang tsansa
gipaunlod ang lubog
gipangita ang tin-aw og dayon
salom sa imong gihimong linaw
pagkahuman dayog lakaw
wala na'y unsa pa
ang ngano wala na hunahunaa pa
kalipayng mabaw
apan siging gibugtaw

sa gagmay pa ta
mas laming mangawat og itlog
didto sa salag
nga gipanag-iyahan sa langgam
nga layawlayaw
giduladulaan lang
dayon og labay.

Halad-uli

Halad-uli
Inday, dala ko na ang bulan ug mga bituon,
Mga halad ko sa makabibihag mong katahom.
Hawoy na kaayo ang mga bukton kong gahulat
Sa mainiton ug mahinangpon mo nga pagdawat.
Hinuon di ko magmahay sa imong pagdumili
Kay sa tindahan mahimo ko pa kining iuli.

Ni Lukas "Dagsa" Makapuling

pakiglambigit

sa mas suod kaayong pakiglambigit
tangtangon ang tanan nga gibutunisan
ablihan ang mga gisipiran
ang blouse ang bra ang panty
ang t-shirt and karsones ang brief
ipanglabay kini sa kilid sa katre

manglupad nga morag langgam
gikan sa ilang mga salag
ug diha sa salog og mga lingkoranan
sila mibatog

susihon ang wala sugod makita
hikapon, haployon, himashimason
ang kagilok pasuropon
tilawan ang wala pa matilawi
sulayan ang pagtilap sama sa mga hangin
nga nanilap sa mga dahon sa saging
gipangita ang kasingkasing
diha sa bungbong
sa bukog og panit
gidap-ig ang mga dalunggan sa dughan
gipamati ang tingog sa mga tambor
mitapoy ang imong mga tudlo
sama sa pagtapoy nimo sa mga kwerdas sa imong gitara
mitayhop ka sa imong ginhawa
sama sa pagbulhot og pagsuyop mo sa silindron
gusto nimong tan-awon ng iyang kalag
og busa ikaw mipiyong saimong mga mata
gidap-ig nimo ang imong pus-on sa iyang pus-on
hugot kaayo nga gakos
morag sawa nga milikos sa iyang bihag

ang iyang mga kuko iyang gilubong sa unod
sa imong abaga og likod
gibati nimo ang gamay kahapdos
adunay kawras
morag nasamdan ka
apan wala na kini nimo ambata

hapit na! hapit na!

mihawan ang mga panganod
mibuka ang langit og ikaw misulod
sa usa ka pultahan sa himaya
miawit ang tanang mga anghel
og imong nalilian ang matahom nga nawong sa Diyos


ang mga duga sa himaya
mibuhagay sa iyang bat-ang
wala handoma nga ikaw
niining higayona
nabuang...

apan bisan niini
pagkahuman sa hamubong paghinuktok
tutok sa kisami
lantaw sa mga panganod sa aso sa imong sigarilyo
ang imong kasingkasing
mihunghong

gusto nimong usab sugdan
balikon ang kanhiay ang karaan
niining pagkabuang nga walay katagbawan

atubangan sa samin diha sulod sa iyang banyo

nabantayan niya ang mga buhok
niya nga nangahulog
naghay-ad sa iyang alugnan
matag buntag
midagan ang iyang agtang
paingon sa iyang alumpulo
og ang iyang aping
morag tubig sa sapa nga
mihubas
ang iyang ngipon nangatango
morag mga haligi sa gubaong
balay nga nangahirig
mitan-aw siya sa samin
human maligo sa iyang banyo
gihikap niya ang iyang suwang
gihapyod nga mora og hait nga sundang
milingo-lingo siya
mikagot ang iyang ngipon
giinat ang iyang aping
mitan-aw sa toilet bowl
diin naglutaw ang iyang tubol
gi-flush
mikuha sa iyang tualya nga
iyang gitapis
og migawas sa banyo
gikomplementohan niya ang
iyang kaugalingon sa usa
ka bugnaw kaayo nga
taghoy.

alas nyube na sa buntag
wala siya'y plano nga mosulod sa opisina.

sayon lang ang pag-ingon nga ikaw nahigugma

sayon lang ang pag-ingon nga ikaw
nahigugma
naa sa imong hunahuna ang mga namunga
mga hinog nga bayabas
nga wala'y namupo
mga nagsinaw nga makopa
nga gituhik sa mga tamsi
mga bulak sa ylang-ylang
nga imong gisimhot
gihambin sa imong mga kamot

apan sa dihang nahulog na ang mikapyot
og nabalian sa iyang kamot
og nangayo na nimo og pakitabang
sa iyang pagkapingkaw
kadali mong midalagan
mipauli sa inyo
og dayon og panira sa imong pultahan

lisod gakson ang pingkaw
magduhaduha ka na unya paghalok
nianang pangag
pakigkuyog nianang kiang
pakigpuyo nianang buang.

aduna siya'y nabundulan

aduna'y siya'y nabundulan
sa ilalom
wala niya makita
apan nahiyaw ang tanan
aduna'y misiplit
miagas
mibaha ang kusog nga
sulog sa tubig
nangayo siya'g pakitabang
misaka ang tubig
og ang tanan mihakop
morag nanikop
og haluan

kon ila lang unta akong
giingnan
nasulbad na unta ang tanan
aduna'y usa ka parte
lang ang hikapon
sirad-an
apan sayang lang
kay tungod diha sa kataha
og kaulaw
daghan ang nabaraw

kay sa akong anino lang
ikaw god nahadlok man

Nanuktok nga gugma

Gugma, gugma, gugma
nanuktok ka na usab kanako
nanghangyong padayunon
niining kilum-kilom
nga ako untang puy-an
hangtod sa kamatayon,
kahilom nga nihabol
sa akong pag-inusara

Apan ingnon ko ikaw nga bisan
wala ka pa mudayon
imo na akong naangkon.

bisan sa damgo

kinsa'y nag-ingon
nga ang pulong mahimong awit
mahimong huni sa pag-inusara

nahigugma ako, nahigugma kanimo
kay niawit na usab ang hangin
sa matag haplos niini kanako

misayaw na usab ang kasing kasing
sa tambol sa gugma mong wala'y salimbong

ikaw ang akong kalibutan
ikaw ang akong puluy-anan
dili igsapayan
bisan damgo lang ang tanan

ikaw ang himaya

ikaw ang akong anghel
ikaw ang akong bituon
ikaw ang kahayag
nga kanunay'ng nag-atong

gihigugma ko ikaw
ikaw ug ikaw lang gayod

mahimong lagyuon ang langit ug yuta
apan dili ang kalipay ug himaya.

managlahing kalibutan

managlahi ang atong kalibutan
managlahi kini'g bulok
managlahi'ng sukaran
managlahi'ng gugma

gugma nga nawad-an sa iyang kagawasan

ngano basang nahisalaag pa
sa kalibutan haron lang makita
ang kamatuorang aduna pa diay gugma?

kinsa ba sad ang gaingon
nga ang kapasikaran sa gugma
kato lang may katakos sa pag-angkon?

wala ako masayod,
wala ako'y laing gipangayo

gawas sa,
pasagdi kining akong kalibutan
nga mutuyok sa imong kalibutan

mao nalang kini ang kalipay
nga akong paulion sa matagsalop
sa akong adlaw nga nagmika

iya sa langit

ang tawong nahigugma

wala magtugkan ang mga tiil sa yuta

kanunayng gibayaw ang kasing kasing sa langit

kanunayng gikuptan sa mga anghel

kay ang gugma iya sa langit

ug dili sa na-ughang mga yuta

angkunon ko, ania ako sa langit~