sa pag-alili sa mga gabok
kadtong gipangbokbok
nga wa ka masayod kon ngano
og naunsa
og dis-a gikan
dili kalikayan nga tangtangon
gayod ang atop
dayon ang bongbong
og ang mga haligi
abi nimo og gamay lang ang alisdan
kay gamay lang
man god usab ang makitang
bikil
sa kataposan ang tanan jud diay
ang alisdan
mao kana ang pagpabarog sa
kabag-ohan
ayaw na paghunahuna og
paghilo sa mga anay
dugay ra nga sila wala na
ang nahibilin mao na lamang
ang ilang mga iti
og ang galawod nga
kahaw-ang
