nakigbugno
ang akong mga
tabon-tabon sa kahayag
diin ang kangitngit
nangaugdaw.
mga lugas misil-ip
ngadto sa balilihan,
ang iyang bidlisiw
mipanaw
nahimugso pag-usab
ang kabuntagon...
tuman sa iyang tahas,
nunot sa panghupaw
nahilis, sama sa batunaw
ilawom sa nagdilaab
nga adlaw
panglimbasog nga
gilikosan sa way-timik
nga bung-aw.
pagkunhod sa kahayag
gisiba sa kilumkilom
sama sa kamatayon
nga nag-ungaw...
