nganong magsugod man
sa 1 hangtod sa
10

o a hangtod
sa ta o wa ya

ganahan gayod kita
nianang sunod-sunod
sa numero og
letra

nga mora bag og wala na kini sila magsunod
sa atong pagbungat
mora bag kitang tanan mangawala
sa pagtunob ta
ning atong kalibotan

nakalimot ta nga nagsugod baya
ang tanan sa kasamok
dayon miabot ang kunuhay
paghan-ay sa tanan

gusto kong mobalik kita
sa atong sinugdan
kanang wala kitay gisundan

kanang wala ang uno dos tres
og abakada

kanang magsugod ta sa
kasamok sa
wala

basin og dinhi
mas tinood tang tanan

basin lang