adunay libat nga boksidor
nga nagpraktis og suntok sa iyang pinutos nga kinumo
sa sayo sa kabuntagon
sa iyang kontra nga kusog kaayong bulhot sa hangin
sayod ko nga ang naa sa sulod sa iyang hunahuha
mao na usab si manny pacquiao
ako unta siyang sultihan nga mas daghan siyag
makat-onan sa iyang kinabuhi kon sa mommy dionisia na lang
ang iyang himoong lamdanan sa iyang kinabuhi
(ambot og ngano
nga manghilabot man gyod ko)
