gisabod ko kini
pagkahuman niini andam na usab ako sa paglakaw
wala ko kini gibilin
og wala akoy gipiyalan niini
gilabay ko lang ang tanan
aron dili na kaayo bug-at ang akong dalhon
sa akong panaw

ikaw nga mopunit niini
pagbantay
dili angayan nga ikaw
magpabilin
sa iyang mga lingla

ang kinabuhi panaw kini
dili kini usa ka panimalay og panimuyo
sayop ka
nga magdaro og mananom nianang imong
mga hunahuna

ang hunahuna usa ka kargada
ilabay kini
hawani kini sa mga pulong
pangitaa ang pagpaluag
ang kahaw-ang

kay unya mora ka na dayon og panganod
gaan og layo kaayo og maabtan