sa imong pagbalhin unya
sa laing dapit
ayaw unta kalimti ang pagsulat
og mga balak
ayaw pagluib sa pulong
ayaw kalimti ang iyang tingog
ang iyang kahumot
og ang iyang katam-is
isalikway unta nimo
ang mga garay sa iyang pagtago
sa mga kamatooran
nga dili na angayan nimong
mahibaw-an
kay kini pait
kay kini aslom og dili na kini
makahatag pa nimo og kalipay
unta magpabilin ka sa iyang
balaanong mando
nga unta ikaw magsulat
bisan dili alang kanako
bisan og alang na lang unta kaniya
ayaw undangi pag-amuma
sa mga pulong diha sa
nataran sa gugma
hatagi og bili ang paglaom
og pagpadayon
karon sa imong pagpanamilit
dili ta ka pabalunan
og mga luha
