adunay mga kahoy nga walay dahon
mas swerte pa gihapon
kaysa kahoy nga wala nay mga sanga,
adunay kahoy nga baga kaayo
ang dahon
apan walay bulak
walay bunga
usahay mora kog bata nga mihangyo
hawid sa iyang punoan
nga unta mamunga kini
walay tubag
siyempre
gitutukan ko ang kahoy
nindot
pagkaanindot sa kahoy
nga walay mga dahon
pagkaanindot lang gihapon
sa mga kahoy
nga wala na gani sanga
lig-on
dili angayan nga putlon
masayangan ang hait nga
atsa.
No comments :
Post a Comment
Lami ba?